Bernardo Atxaga

Bernardo Atxaga
	Taɣect
Tameddurt
Isem-is ummid	José Irazu Garmendia
Talalit	Asteasu (fr) , 27 Yulyu 1951 (72 n yiseggasen)
Taɣlent	Spenyul
Axxam-is	Zalduondo (fr)
Tawacult
Tissulya akked	Asun Garikano (fr)
Atmaten-is d yissetma-s	Iñaki Irazu (fr)
Tiɣri
Alma mater	université de Barcelone (fr) : Tafelsuft, lettres (fr) ; Université de Bilbao (fr) 1973) licence (fr) : tadamsa
Tutlayin	Tabaskit; Taspenyult; Taglizit
Amahil
Amahil	amaru, amedyaz, auteur ou autrice de littérature pour la jeunesse (fr) d scénariste (fr)
Prizes	ẓer prix Euskadi - Littérature en basque (2014) : Nevadako egunak (fr) ; prix Euskadi - littérature jeunesse en basque (1997) : Xola eta basurdeak (fr) ; prix Euskadi - Littérature en espagnol (1999) : Lista de locos y otros alfabetos (fr) ; Beterriko Liburua Ohorezko Literatur Aipamena (2004) : Soinujolearen semea (fr) ; Kritika Saria euskarazko narratibari (1985) : Q12255120 ; Kritika Saria euskarazko narratibari (1988) : Obabakoak (en) ; Kritika Saria euskarazko narratibari (1993) : Q12258556 ; Kritika Saria euskarazko narratibari (2003) : Soinujolearen semea (fr) ; Kritika Saria euskarazko narratibari (2013) : Nevadako egunak (fr) ; prix national des lettres espagnoles (2019) ; prix national de littérature narrative (1989) ; prix Ostana (2023) ;
Membership	Académie de la langue basque (fr) ; Pott Banda (fr) ; Jakiunde (fr)
Amussu	littérature basque (fr)
Surnames	Bernardo Atxaga
Artistic movement	nouvelle (fr) ; ungal; tamedyezt; essai (fr)
IMDb	nm1547945
	atxaga.eus

Bernardo Atxaga, isem-is n tidett Joseba Irazu, yernu ilul-d di 1951 di temdint n Asteasu, di temnaḍt n Guipuzcoa, di Tmurt n Yibaskiyen n wenẓul, di Spenyul. Atxaga ay yeɣran tussniwin tudmisin (sciences économiques) di tesdawit, yeqdec azal n ḥdac wagguren di tbanka di temdint n San Sebastian. Sakin, yuɣal ɣer tesdawit akken ad iɣer tasnagayt u seg yimir-n ay yekcem s amḍal n tira akken ad yuɣal d yiwen seg yimura imeqqranen n tutlayt tabaskit akk d tespenyulit.

Adlis amezwaru ay d-yessuffeɣ d ammud n yisefra umi isemma Ziutateak (timdinin), yura-t di 1976, yernu sin n yiseggasen sakin, yerna yessuffeɣ-d ammud nniḍen n yisefra, Etiopia, d win i yes ay ibeddel si lqaɛa tamedyazt tabaskit u yerbeḥ-d fell-as arraz n wezɣan (prix de la critique) aspenyuli. Ikemmel dɣa seg yimir-n yettaru, u di ɛecrin n yiseggasen-nni ay d-iḍefren, yessuffeɣ-d ugar n ɛecrin n yedlisen n tsekla i yigerdan akk d yelmeẓyen, am wakken ay yura imsuyas i waṭas n tesgilin n rr'adyu akk d tceqfatin n umezgun. Atxaga yesɛa diɣ assaɣ iǧehden akk d uẓawan abaski imi ay yura acḥal n tezlatin s tutlayt-is.

D acu kan, tamelt-yines tameqqrant deg wemḍal n tsekla yekseb-itt-id s wungalen-is i yes ay yuɣal yettwassen akk deg wemḍal ladɣa imi ay ten-id-ssuqlen ɣer waṭas n tutlayin. Ungal amenzu ay yura, "Bi anai" (Sin watmaten) yerbeḥ-d yis-s Atxaga arraz n wezɣan i tikkelt tis snat di 1985. Rebɛa n yiseggasen sakin, di 1988, yessuffeɣ-d Atxaga ungal-is ay ifazen akk, Obabakoak (at Obaba), d win i ɣef d-yerbeḥ Arraz Aɣelnaw n Tsekla (Primio Nacional de Literatura) n Spenyul u yella-d d amaru abaski amenzu ara d-irebḥen arraz-agi, am wakken ay d-yerbeḥ diɣ fell-as arraz n wedlis abaski, Euskadi, akk d warraz n wezɣan aspenyuli i tikkelt tis tlata.

Obabakoak nzan seg-s 30.000 n wudmawen. Si ger yedlisen nniḍen ay yettwassnen ay d-yessuffeɣ Atxaga, nezmer ad d-nebder "Tamurt n Yibaskiyen akk d Yedles neɣ mi ara d-yaki yinisi", "Anẓad ay d-yemɣin deg yiles" akk d yiwen n wedlis i yigerdan isem-is "Shola akk d yilfan". Si melmi kan, yerna yessuffeɣ-d daɣen sin yedlisen s wazal-nsen, "Argaz awḥid" akk d "Igenwan-nni".

Tirawt n Bernardo Atxaga d tin i deg texleḍ tsekla tamaynut n wass-a akk d tsekla tamsilawt ay d-yettmeslayen ɣef tɣawsiwin akken llant di tudert, ama lhant, ama d iri-tent. Deg wungalen-is, Atxaga yettban-d seg wid yekkaten ɣef ugama yernu udmawen d wid ay d-yeddem seg wegdud abaski ara yettqabalen lehmum n tmetti n tallit-agi-nneɣ. Yuɣ lḥal, werǧin yenwi Atxaga d akken ad d-yaweḍ wass i deg ara yuɣal yisem-is mechur' am wass-a, yernu kra ttxemmimen, qqaren-as d akken Bernardo Atxaga yessaweḍ ad as-d-yerr ttar' i tutlayt tabaskit, ay yettwaḥeqren acḥal, imi ass-a tewweḍ Madrid alammi ay testeɛr'ef s yiwen n umara d Abaski.

Tamselyut ẓreg

imedyazen sɣur Omar MOUFFOK