Ḥmiduc, neɣ s yisem-is aḥeqqani Ḥmed Xeddim (Ahmed Khedim), d acennay n teqbaylit yerna d amedyaz. Ilul ass n, 14 ɣuct 1956, deg Ugni n Waklan deg taddart n Ɛeṭṭuc, taɣiwant n Makuda, deg lwilaya n Tizi Uzzu, deg tmurt n Leqbayel.

Ḥmiduc
Tameddurt
Talalit Makuda, 14 Ɣuct 1956
Taɣlent Lezzayer
Lmut Murṣileyya, 5 Yunyu 2002
Tiɣri
Tutlayin Taqbaylit
Amahil
Amahil acennay
Dduzan n lmusiqa taɣect

Ilul-d deg yiwet n twacult talemmast kan, yella diɣ d ababat n 04 n warraw-is. D ilemẓi n 45 n yiseggasen kan d leɛmer, asmi medlent wallen-is, tcelqef-it lmut, yeǧǧa ddunit ur tt-yeṛwi, yezger ɣer laxert.

S ṣṣut-is ḥninen, yeččuren d sser d wawal iweznen i yezdeɣ ulawen n medden. D acennay n tayri zeddigen d wuguren n tmetti taqbaylit.

Yemmut ass n, 05 yunyu 2002, deg temdint n Marseille n tmurt n Fransa, di leɛmer-is ala 45 n yiseggasen. Ma d ssebba n tmettant-is d aṭṭan n tgeẓẓal, i t-yeṭṭfen acḥal d lweqt. Ass n 11 yunyu 2002, wwin-d lǧessa-s s axxam-is yellan deg taddart n Taksebt, wallan-t medden i tikkelt taneggarut. Aṭas n yinaẓuren imeqqranen i iḥedren tamḍelt-is, yecban : Lewnis At Mengellat, Baɛziz, Amar U Rabaḥ, Buǧemɛa Agraw…at. Yettwamḍel deg taddart-is tanaṣlit Agni n Waklan.

Abruy seg umecwar-is di ccna ẓreg

Deg useggas n 1964 i yecna i tikkelt tamezwarut ɣef usayes akked ucennay Racid Meṣbaḥi, dɣa yefka-as afud meqqren akken ad yecnu. Tizlit akk tamezwarut yecna d asefru-nni « A Wiza semmeḥ-as » i yura s timmad-is. Syin akkin yebda asekles n yiḍebsiyen armi yeṣṣaweḍ 11 n yiḍebsiyen. Amezwaru yecna-t deg useggas n 1980, ma d sin ineggura yessuffeɣ-iten-id deg useggas n 1993. Yesɛa yiwet n ṣṣut dayen kan, d win n waqqur. Ulac ilemẓi neɣ tilemẓit ur yesuzen ara, ḥemmlent akk yilmeẓyen. Yecna gar 1978 armi d asmi yuḍen di 2001. Deg useggas n Tefsut n yimaziɣen (1980), yessuffeɣ-d tasfift-is tamenzut i wumi isemma « Kret ay ayetma ! », ideg llant 09 n tezlatin. Gar-asent : A Wiza semmeḥ-as, Kkert ay aytma ! Seṭṭac di leɛmer-is, Lbumba, Nadya ruḥ…atg. Syin akkin, seg useggas n 1980 armi d 1986, yessuffuɣ-d tasfift di yal aseggas. Ffɣent-d akka myezwarent ; Inna-as inna-a 1981, Lemḥiba-w temmut 1982, Kker a gma ad nruḥ 1983, Sidi Lmir 1984, Lezzayer-Tunes 1985, Targit 1986. Tin ɣur-s, yeqqim armi d 1988, i wakken i d-yerna tasfift-agi Ayayay, syin yerna 3 n yiseggasen d wakken i d-yessufeɣ album wis 09, i wumi isemma « Le parti ». Sin n yiseggasen mbeɛd, di 1993 ikemmel-d sin-is iḍebsiyen ineggura ɣef tikkelt, wigi d « Azzayri » akked « Tafat ». Syin akkin, seg useggas n 1993 armi i d-tewweḍ Tefsut taberkant deg aseggas n 2001, ikemmel kan yecna deg tmeɣriwin, maca ur d-yessuffeɣ ara.


Iḍebsiyen ẓreg

1980: Kkert ay atma !
# Azwel Tanzagt
1. A Wiza semmeḥ-as
2. Ay aḥbib
3. Mi bdiɣ Abrid
4. Kkert ay atma!
5. Settac di leɛmer-is
6. Ad ttɣaḍen
7. Lbumba
8. Nadya ruḥ
1981: Ina-s ina-s
# Azwel Tanzagt
1. Ina-s ina-s
2. Izem id rebba tsedda
3. Tusa-d listiqlal
4. Sber ad sebreɣ
5. Tenɣiḍ-iyi
6. Sawlen-iyi d
7. Lḥebs
8. Fell-am a Lalla
1983: Kker a gma ad nruḥ
# Azwel Tanzagt
1. Kker a gma ad nruḥ
2. Ay arfiq
3. Ru ay iẓri-w
4. Gulleɣ ɣef zzwaǧ
5. Mmektaɣ-d ass n la ttruɣ
6. Nniɣ-am a tuzyint sber
1984: Sidi lmir
# Azwel Tanzagt
1. A tin yettargun tafsut
2. Sidi lmir
3. Fiḥel ma tettruḍ ay ul
4. Lliɣ ik yidem s laman
5. Tawizett n tnac
6. Ad tkellex targit fell-i
1985: Si Lezzayer ɣer Tunes
# Azwel Tanzagt
1. Lexbar Ajdid
2. Asmi akken fudeɣ ddunit
3. Si Lezzayer ɣer Tunes
4. Tenna-iyi-d qbel ad truḥeḍ
5. A bab igenwan
6. Ziɣ sin ay tesεiḍ
1986: Targit
# Azwel Tanzagt
1. Tessefreḥ-iyi targit
2. Fudeɣ a win yeswan
3. Akken kan yeffeɣ urumi
4. Instrumental
5. Cbiɣ
6. Ay ageffur n Meɣres
7. Tɣaḍ-iyi tuzyint
1988: Ayayaye
# Azwel Tanzagt
1. Ayayaye
2. A baba lwali
3. Allen-iw deg wallen-is
4. Igenni
5. Instrumental
6. Tamurt
7. Yak tenniḍ-iyi
8. Rwah rwah
1991: Lparti
# Azwel Tanzagt
1. Afrux
2. Mm-i merẓan
3. A tin
4. Lif Lba (Asɛerab)
5. A Tajeǧǧigt
1993: Azzayri
# Azwel Tanzagt
1. L'adresse (Ansa)
2. Ay ul-iw
3. Tayri
4. Acu
5. Tabani
6. A mmi-s n wedrar
7. Ayen ayen
8. A baba
1995: Tafat n wallen-iw
# Azwel Tanzagt
1. Tafat n wallen-iw
2. Ma d kem taxtareḍ
3. Taɣzalt
4. Awi-t awi-t
5. Ahya ay arrac
6. Lḥif
7. Nek yidem di ssin
8. Ay itbir
2001: Ǧğet-iyi ad ɣenniɣ
# Azwel Tanzagt
1. A leεmer
2. Ǧğet-iyi ad ɣenniɣ
3. Zzin lεali
4. Siwel-as (instrumental)
5. A leεmer (instrumental)
6. Layas
7. Taqcict