At Yexlef

AtYexlef neɣ Ait Ikhlef s Tefṛansist [s Taɛṛabt (أيت يخلف)] ttaddart taqbuṛt gar tudrin timenza n Lɛaṛc n At yeǧǧer, Taɣiwant n Buzgan (Bouzeguène) (Daïra de Bouzeguène, Wilaya de Tizi-Ouzou, Algérie).

Amezruy n At Yexlef

At Yexlef (Ait Ikhlef) ttaddart id izggan di temnaṭ n Lɛaṛc n At Yeǧǧar, teṭṭef tiɣilt nnig u aqacuc lqarn di tama u Assamar n Tiɣiwant n Buzgan (Bouzeguène), azal n yiwen u kilumiṭre af teẓgi nu Akfadu, tettwassen s-iɣaṛsiwen d y-imɣan. Taddart n Tizuyin ar tama u Agafa, At Mizart (At Sidi Ḥend Waɛli) uk d Iḥiṭusan ar w Anẓul, taɣiwant n Buzgan ar tama u Amalu, Imuɣlawen uk Lqelɛa ar tama u Assamar.

Azal n 1 400 imezdaɣ (Leḥseb n Ɣuct 2014) amur amuqṛan degssen ttidirren anda niḍan (Taɣiwant n Tizi uzu, Ldzayer, di yal tama n tmurt n Ldzzayer yuk di tmurra lvaṛani am Fṛansa. Sevɛa i derma i ttidirren dina : Imesɛuden (Messaoudene), Iveyxiren (Belkhir), At Ɛli (Kashi ), At Ɛiciwt (Slimani), At Mesɛud (Messaoudi), At Mḥend (Mettouchi), yukk d At Rabaḥ (Rabia).

At Yexlef ttaddart y uran ismis deg umezruy, aṭṭas id efkka i tagrawla am aṭṭas n tuddrin niḍan n tmurt n Iqbayliyin. Amur n ilmaẓyen id yekkran mgal amnakcam effkan iman-nsen d asfel i tagrawla n 1954-1962 am wid y izwarren ar umennuɣ si zik yakan (1871). Ssuq n Ttlata d yiwen ye-ttilin yal dduṛt d anar n temlilit d menuɣ id yebbin ilmazyen ad kecmen ar FLN. Tddart n At Yexlef txellelṣ-itt aɣlayet ami i tella ar tama n tagrawla, tajmilt i wid yemutten ami ismawen n sen ttewjarden di yemast n taddart. Taddart At Yexlef ttamenzut anda d yella uɣerbaz amenzu n temnaṭṭ n At ɣeǧǧer id s ved Fṛansa, yezgadd azal n 500 lmittrat ɣef taddart assegas n 1898, aṭṭas id yettassan deg yakk tudrin is d yazin.

Lbusṭṭa n Buzgan ar-assa tewwi isem n taddart At Yexlef « poste d’Ait Ikhlef » deg asmi itt tesbeb Fṛansa.

Timetti di taddart teqqim am zman aqbuṛ t bed yef « tajmaɛt » yas akken neǧǧa aṭṭas. Triciti tewḍed assegas n 1982, aman deg lgaz kecman ar y ixxaman, annar iy ḍumman ittewhega s leqdic n ilmezian.

Aɣerbaz amenzu aqbuṛ n At Yexlef

lien=https://fr.wikipedia.org/wiki/Fichier:%C3%89cole_primaire_Ait_Ikhlef.jpg|vignette|Aɣerbaz amenzu aqbuṛ n At Yexlef Aɣerbaz n taddart n At Yexlef ger t mezwurra deg tmurt n Lzdayyer yakk ttmurt n Iqbayliyen. S beddentt i Fransisan deg assegas n 1898, zmentt deg assegas n 1957.

Taddukli Tadelssant n At Yexlef (ACA)

Taddukli tadelssant n At Yexlef (ACA) s bddentt ilmezian n taddart deg Yebrir nu assegas 2007 akken ad zuzren idles, aḥareb mgal yer tilufa di tmetti akken ad ẓden taggmatt ger a taddart. Att-sehbibar ɣef tawenaṭṭ yakk atteẓu ayen yelhen, lemqadra di tmuɣli n yal yiwen.

Tadamsa di taddart

Taddart tesɛa 3 n tḥuna, garasent yiwet teznuzu lqec (iceṭiden) :

Uggar, anda yella garassen « Maḥmud At Rabaḥ » id iqqeṭṭun su asadun-is aberkan, ama di tegrest ama deg anebdu ɣas yergel u abrid it karusin neɣ di lḥaṛs.

Tiḥuna n taddart yerned lɣaci deg ussan i muṛas anda id ttuɣalen w arraw n taddart i zedɣen anda niḍen.

Tamezgida (Ljameɛ) n Taddart

Tamezgida n taddart tesɛa ccan d amuqṛan imi d arraw-is itt yesbedden s idrimen n sen akk di ɣallen n sen deg assegas n 1970. Yal yiwen y efkad tayett, yal yiwen s wacu izmer, llan wid id effkan iɣalen nsen ulla deg-iḍ, ami ur sent efkara teswiɛt akken adasen deg ass. Ljameɛ sulint deg assegas n 1973, d azamul n tebɣest akk n tegmatt, Muḥend n taddart At Mizar yeqim d-issegasen d netta id cix n Ljameɛ.

Wali daɣen

Aseɣwen n baṛa

site de Ait Ikhsite de Ait Ikhleflef

SiteWeb AtYexl