Tasnilest tamatut : Tameẓla gar ileqman

Contenu supprimé Contenu ajouté
IdlesAdlis (mmeslay | attekki)
Aucun résumé des modifications
IdlesAdlis (mmeslay | attekki)
Aucun résumé des modifications
Ajerriḍ 1:
 
== 1. Amata γef umeslay d tutlayin   ==
 
=== 1.1. Ameslay, Tutlayt, Timetti   ===
Iwakken ad negzu amkan n tutlayt d wazal-is deg tudert n umdan, ilaq ad nwali assaγen yellan gar tnekta-ya (tutlayt) akked snat n tnektiwin-nniḍen : ameslay d temetti.
 
==== 1.1.1. Ameslay ====
Ameslay, yemgarad γef tutlayt. Imusnilsen (Ferdinand de Saussure; Noam Chomsky), ttwalin ameslay am wakken d tazmert tabyulujit i d-yettawi yal amdan deg wallaγ-ines mi ara d-ilal. Tazmert-a, terza anagar amdan; ur tt-nettaf ara γur imudduren-nniḍen. Talγiwin n taywalt ara naf γur kra n yimudduren, am tzizwa neγ ibkan, mgaradent aṭas γef tulmisin n umeslay n umdan. Daγ, ameslay d tagrumma n yilugan imadwanen s i yezmer umdan ad isayli tutlayin, ama d tin n tyemmat neγ tid-nniḍen.  
 
==== 1.1.2. Tutlayt ====
Am wakken i nwala, d tazmert n umeslay (ilugan imadwanen) i d-yettaken tutlayt neγ tutlayin (ilugan ikmamen). Ihi, ameslay d yiwen, yezdi akk imdanen. Ma d tultayin, ugtent, mgaradent akken mgaradent tmettiyin d yigduden i tent-yessawalen deg umaḍal. Tutlayt d allal n taywalt gar yimdanen n yiwet n temγiwant tamutlayt.  
 
==== 1.1.3. Timetti ====
Amdan γas yettawi-d yid-es tazmert n umeslay mi ara d-ilal, ur issawaḍ ara ad issayli tutlayt ma ur d-yekkir ara gar yimdanen. Γef wakka ur tezmir ad tili tutlayt war ma tella tmetti. Am wakken daγ tudert tinmettit teqqen γer tutlayt acku s tutlayt i ttmsefhamen medden; s yess i dssenfalayen assaγen yettilin gar-assen. Yal agdud, meẓẓi neγ meqqer, ila tutlayt i yessemras d allal n taywalt.