Ddabex uḍar

Ddabex uḍar naγ Football (futbol), Soccer di Marikan d yiwen waddal tturaren-t snat trebbuεa n 11 imyuraren deg annar. Iswi n yal tarbaεt, d asekcem n ddabex imdewweṛ γer ucebbak n temḥaddit nniḍen kter is u mebla aseqdec n ifassen.

Ittwasengel sγur legliz (igliziyen) di tagara n timiḍi tis XIX. Asegwas n 1904, ddabex uḍar yuγal yesεa Amqun agraγlan FIFA, asegwas n 2006, llan azal n 264 imelyunen n yemyurar n ddabex uḍar deg umḍal, yarna yella d-addal amezwaru deg aṭas n tmura. Di kra imenẓawen am tafriqt, turuft d tamrikt unẓul ddabex uḍar iγmer addalen nniḍen acku urar-is d ushil, ur yeṭṭalab ara aṭas n ttawilat.