[[Tugna:Portrait de Lounis Aït Menguellet (né en 1950).jpg|thumb|right|300px|'''Tugna n Lunis At Mengellat di 2003. Tugna tettwaksed si fr.wikipedia.org'''<br /> <small>(Photo extraite du site [http://www.premiumorange.com/convergences/Cultureberbere/artamazigh/frame/index.htm « Convergences »]</small>)]]
== Temẓi ines ==
D annegaru ger sdis (6) wayetma-s - 3 n tullas d sin warrac - isɛada temẓi ines qesiḥet di taddart-is and yeɣra yiwen useggas ar asmi serɣen irumyen aɣerbaz anda yella yeqqar. Tawacult-is llan di imzenza di [[Wehran]] anda sɛan tiḥuna. Mi ikfa trad mgal Franṣa deg 1962, Lunis At Mengellat iruḥ ar [[Lezzayer tamanaɣt]] ak° d watmaten-is Smaɛil d Aḥmed. Din ikcem ar uɣerbaz wis amezwaru (primaire) di ''Champs de Manœuvres''. Din iɣra tizrawt uwizi (Études collégiales) azal n 3 isegwasen, s wanda id yeffeɣ s usileɣ (formation) n wayen umi neqqar s tefranṣiṣt ''Ébéniste''. Deg useggas aneggaru Lunis At Mengellat iǧǧa leqraya-s imi yemmut gma-s ameqran di yiwet n laksida n tkarust, d netta ilan iɛgcit seg wasmi iruḥen imawlan-is ar Wehran.
Asmi yeqqar, ila iḥemel tasekla, d yiwen uselmad d amusegmi (pédagogue) id a t-tiḥemlen. Dɣa yuɣal ixeddem weḥdes isefra. I waken ad yečč aɣrum-is, yella ixeddem di yiwet tneɣlaft di Lezzayer, uqbel ad idfer abrid n ccna.
