Deg iseggasen n 30 n lqern iɛeddan, niqal taẓuri n urigami tesbek am akken i tt-id-ǧǧan d leqrun aya i teqqim. D amurigam Uchiyama Koko i d ababat n urigami atrar. D netta daɣen i d amezwaru i iḥerzenisetnen izerfan-is n umeskar. Sakin ḍefren-t-id inaẓuren nniḍen, yal wa d acu i d-yewwi d amaynut i tẓuri n urigami. Amedya n Yoshizawa Akira i d-iẓergen deg useggas 1950 idlisen ideg llan wudmawen imaynuten. Deg useggas 1950, d Akira Yoshizawa d Sam Randlett i d-yesnulfan izamulen n tɣuri sseqdacen tura merra yimurigamen n umaḍal.
Tameẓla yellan ger urigami ansayan d wetrar mmalen-ten-id kra tɣawsiwin. Amedya amezwaru d aslugen n tẓuri. Yiwen umenzay seg yimenzayen n uzadur n urigami atrar yeqqar-d: udmawentimudmin akk ara d-yesnulfu umurigam yessefk ad ilint seg tferkit tamkuẓt. Ad tettwaḍfes tferkit war agzam neɣ asenṭeḍ. Asnulfu d useqdec n umeskan. Acku aseqdec umeskan tettɛawan amurigam akken ad yales i wudemtmudemt akken yellatella maci s uwehhi. Yettḍafar umurigam n wassa ameskan ideg ara yaf akk isallen i yes-s ara yeḍfes udemtamudemt. Asnulfu n wudmawentmudmin imaynutentimaynutin teldi tawwurt i wesnulfu n tewsatin nniḍen amedya n urigami aẓuran, urigami adday, urigami n tusnakt… Assa, urigami yefrek d ifurkan. Taẓuri, tura tesɛa ilugan ibanen, yettwasnen. Di tazwara d timziknin tigraɣlanin kan i yessawḍen taẓuri n urigami ad tt-issinen ugar n yemdanen. Tura rnan-d wallalen nniḍen amedya n Internet, idlisen d isura, ssawḍen taẓuri ɣer tɣemmar merra n umaḍal.
=.Urigami deg tmurt n Lezzayer=
Da ɣur-neɣ nessen seg wacḥal aya d acu i d aḍfas n lkaɣeḍ. Anwa deg-neɣ ur neḍfis tasafagt, tasebbaḥrut neɣ ahat aɣerrabu? Anwa ur neḍfis tacacit s lkaɣeḍ n uɣmis deg uzal akken ad yesdari aqerruy-is seg ḥamu n yiṭij?… Aya akk d taẓuri n urigami, aya akk yesɛa amezruy ur d-yeɣli seg yigenni am ugeffur.
