Lwennas Meɛṭub : Tameẓla gar ileqman

'''Lwennas MeɛtubMeɛṭub''' ilul deg [[24 yennayer]] [[1956]] di taddart di [[Tmurt n leqbayel]]. Mi yessiweḍ tesɛa n isegassen deg lɛemer-is ixedm-d [[snitra]]-s tamezwarut akk-d ccnawi-s imezwura. Tarmit-is tasertayt, tadelsant, akk-d tugna-s tebda s ifukal ger leqbayel akk-d iɛsekriyen n wanabad n Ledzayer deg 1963-1964. Deg 1968 Anabad n [[Ledzayer]] yesseɣser-d asertay n [[Aseɛreb|useɛreb]] n [[Imaziɣen]]; Meɛtub yeḥbes-d leqraya-ines kra n iseggasen mbeɛd yunag ɣer [[Fransa]].

Lwennas MeɛtubMeɛṭub yebda tanunnect deg ddunit n [[aẓawan|uẓawan]] s talilt n uccenay azwaw [[Idir]]; l album amezwaru-ines "''Ay, Izem!"'' deg 1978, yiwen si ger 36 deg tuddert-is merra, yella d asmures ameqqran deg tmurt n yezwawen.

Lwennas MeɛtubMeɛṭub ixdem-d abaraz amezwaru-ines deg Yebrir 1980 di lweqt n [[Tafsut n imaziɣen|Tefsut Tamaziɣt]] imi agdud azwaw ibed mgal anabad n dreɛ n Ledzayer.

Deg 1988 imi bdan ccwalat n [[Tafsut n imaziɣen|Tafsut Tamaziɣt]], Lwennas MeɛtubMeɛṭub yettwajeh-d xemsa n iberdan s yifasen n tamsetla n unabad n Ledzayer; yeqqim-ed sin iseggassen deg ṣbitar yerna yesɛedda 17 n igzamen ɣef lǧetta-s imi yewt-ed ɣef tiwwura n lmut.

* [[6 Dujember]] [[1994]] MeɛtubMeɛṭub yeṭṭef-ed ''Le Prix de la Mémoire'' (“Arraz n Timektit”) seg ifasen n massa [[Danielle Mitterrand|Danielle Mitterrand]], taselwayt n “tuddsa n tlelli n tafransist” (''La Fondation France Libertés'') deg temdint n [[Paris]].

[[Tugna:Matoub Lounès (in the middle ) with his friends.jpg|thumbnail|200px|right|'''Lwennas MeɛtubMeɛṭub''' deg 1988 asmi t-wwten iǧadarmiyen]]

[[25 yunyu]] [[1998]] azal n 12:30 n tmeddit, [[ṭonobil]] n MeɛtubMeɛṭub tettwaḥbes ɣef rrif n webrid; bu tmegrad, u yiwen wergaz ur nettwassen ara, yenɣa MeɛtubMeɛṭub, ijreḥ tlata n tilawen i llant yid-es. Akken kan, azal n sin neɣ tlata n swayɛ mbeɛd, tamgert n Meɛṭub thuz tamurt n izwawen merra imi aṭas n medden i t-iḥemlen; ilulufen n lɣaci fɣen ɣef iberdan n ttnaddin “Anabad Aqettal!”. Sebɛa n wussan n ccwal iǧehden snuhzen tamurt merrra; ilemẓyen nnuɣen mgal tamsetla, zedmen ɣef izdaɣen akk d wayla n unabad. Deg [[28 n Yunyu]] [[1998]] ilulufen n lɣaci ḥedren ussan-ed ɣef timeqbert n taddart-is am akken a t-ẓren ɣef tikkelt taneggarut as-fken tanemmirt akken ilaq lḥal.

Tamgert n MeɛtubMeɛṭub tedra yiwet n ddurt aqbel anabad n Ledzayer yesɛedda lqanun i menɛen tamaziɣt s imukan n lbaylek; MeɛtubMeɛṭub yella d afernan iǧehden mgal lqanun-agi.

MeɛtubMeɛṭub Lwennas nɣan-t iɛdawen n tudert amedyaz, d acennay ameqqran, d win yefkan udem yelhan i ccna n wezwawen, daɣen d ameɣnas ameqqran n tmaziɣt d tugdut, yefka fell-asent ula d idammen-is; yella mechur deg ddunit merra imi iqerreb-ed aṭas n medden s imeslayen akk-d lecɣal-is.

Sin iberdan deg timdinin n [[Grenoble]] akk-d [[Lyon]], tamurt n Fransa, ttusemman ɣef MeɛtubMeɛṭub Lwennas.

Aḥric ameqqran n tudert-is Meɛṭub yella d argaz urmid n izerfan n wegdud azwaw, tugdut, akk-d tilelli; ɣas akken wid yerkan ttqelliben amek ara t-susmen, imi nɣant, MeɛtubMeɛṭub deg wulawen n wegdud-is mazal yedder.

Aqeddac n Lwennas MeɛtubMeɛṭub tessuddes s 28 iseɣraz (naɣ 34 isunad).