Izem : Tameẓla gar ileqman

'''Izem''', s umata, d aɣersiw n twacult n yemcac, i itetten aksum, , d ameqqran yernu yettwaɛqal s umgired i yellan ger uwtem d tewtemt-ines. Awtem n "yizem" yesɛa aheylel (crinière, d awal amaheɣ), d acebbub i s-iɣummen aqerru-is, tamgerḍt-is, idmaren-is akkwed uḥric seg uɛrur-is. Ma d tawtemt n yizem neqqaṛ-as "tasedda", ur tesɛi ara aheylel yernu mecṭuḥet ɣef yizem.

Deg Tefriqt, yella zik yizem yettidir deg yal tama, deg yal tamurt. Ar ass-a mazal yeǧǧa-d isem-is ɣer yal agdud deg umenẓaw-agi. D acu kan, ɣas ma yella izmawen ttbanen-aɣ-d meṛṛa kifkif-iten deg ṣṣifa, maca sɛan aṭas n tdulemsin (sous-espèces) yettemgaraden ciṭ deg ṣṣifa akk d tiddi. Ger tlemsin (leṣnaf) n yizmawen yettidiren deg Tefriqt, nezmer ad d-nebder izem n [[Tamazɣa|Tmazɣa]] (lion de Barbarie, Panthera leo leo). D netta i d izem ameqqran akk yettwassnen, yernu ass-a yenger. Izem n Yimassayen (Panthera leo massaicus, semman-as ɣef yisem n yiwen wegdud n Tefriqt, Imassayen ikessen izgaren), d izem-nni ay yettidiren deg tsabant (savane) n [[Kenya]] d [[Tanzanya]], deg [[Tafriqt tacerqit|Tefriqt tacerqit]]. Izem-agi meqqer ciṭṭ, yettidir deg uzaɣar anda ay yettṣeggid izgaren d yiɣersiwen niḍen.