Tamacint

Tamacint d yiwen n ttawil usiweḍ yettawin imdanen neɣ alzazen (sselεa) seg umkan ɣer wayeḍ. Yemmug s umazrar n yifuga icudden gar-asen, ileḥḥun ɣef rrayat n wuzzal, la ten-tezzuɣurtemseddayt yesεan amutur. Tinelliyin n rrayat teṭṭfent s umata snat tniliwin yemgaraden, yiwet i rrwaḥ, tayeḍ i tuɣalin ,maca tikawal yiwet n tnelli kan i yellan, tembaddalent fell-as tmacinin, daymi d-yettili umihi n laksidat.

Tamacint tanalamant taruradt

Amezruy

D ajenyur afransis Nicolas Cugnot i d amenzu i d-yesnulfan « takeṛṛust » ileḥḥun weḥd-s kan s ifuṛan (lefwaṛ n waman), segmi tuɣ iga-d James Watt tanaεurt ifuṛan deg useggas1765, i yessǧehden seg yimir tagrawla n temguri, ɣas akken tuɣ llan wid i tt-id-yebdan uqbel-is. Maca tamacint tamezwarut akk deg deg umezruy d tin yelḥan ass n 21 deg fuṛar 1804 deg tama n Merthyr Tydfil di tmurt n Wilz (Tagelda Tabnnriṭanit), i d-yeṣneε Richard Trevithick deg Legliz. Tamseddayt-is tella tezzuɣur 10 iṭunnen s truredt n 04 km/sε. 20 iseggasen syin d afella, teldi tnelli tamenzut yettawin imessukial ɣef teɣzi n 40 km gar Stockton d Darlington, deg Legliz. Dɣa asiweḍ arurad n sselεa gar tmennaḍin, d ayen i yefkan afud imir i tegrawla tamgurant tagtlizit. Deg Fransa, tinelli tamenzut din yeldin deg useggas 1827 gar Saint-Étienne d Andrézieux i usiweḍ n lefḥem si lmina. Deg useggas 1850, azeṭṭa amaḍlan yewweḍ 3800 ikilumitren. Ma seg uzegen n lqern d asawen yennerna armi 800 000…

Aɣalu : ablug n Samir Tighhzert / Timuɣliwin