Amẓiw Amsafag n Spaghetti

Talɣa:Infobox deity Amẓiw Amsafag n Spaghetti (S teglizit: Flying Spaghetti Monster ''FSM'') d yellu n Tmezdayt n Umẓiw Amsafag n Spaghetti (S teglizit: Church of the Flying Spaghetti Monster), neɣ Tapastafaṛianit. Tapastafaṛianit d amussu amezday ig-ttsemmilen axeẓẓeṛ urid d amaglay n wajjed, d igeḍḍel aselmed n Wugniw Amegzu, neɣ tamacahut n Adem d Ḥewwa. Imaḍfaṛen ines qqaṛen fell-as belli d ajjed n tidett, am Tineslemt, Tamasiḥit, Tudayt... Di Ziland Tamaynut, imaḍfaṛen zemren ad xedmen timeɣṛiwin s wajjed-agi. Maca deg Iwunak Yedduklen, anezraf adukli yugi ad yesteɛref yess. Agraw n Uwanek n Tmura n Wadda yennad belli Tapastafaṛianit macci d ajjed n tidett diɣen.

Bobby Henderson, d netta id yesnulfan umussu-agi di 2005, deg tebratt yeldin i ugezdu n uselmed n uwanek n Kansas, akken ad-seynini belli ur iqebbel-ara ad selmed-n Agniw Amegzu deg iɣerbazen iyigerdan. Deg tebratt, Henderson iṭelbed akud iwselmed n tmacahut n lxelq n Wumẓiw Amsafag n Spaghetti. Imi izuzer tebratt-is deg Internet, isalli agi icaɛed gar widak ur yettamnen d yijjeddan, yuɣaled diɣen d azamul n imussa mgal aselmed n Wugniw Amegzu deg umḍal.