Ibeldisen : Tameẓla gar ileqman

'''Ibeldisen''' ([[Assaɣ ussnan]]: ''Gastropoda'') d [[asmil (tasnudert)|asmil]] meqqren yakk deg [[astirf (tasnudert)|wadur]] n [[Tigri|tigritin]] acku dges azal n 80% n [[talmest|telmas]] yeṭṭafaren adur-a, akken daɣen i tga d tafesna tameqrant tis snat yakk deg [[aɣersiw|tgelda taɣersawt]] anda i llant dges wazal n 65000 n telmas gar-asent [[aɣlal]] d [[Amillus|umillus]] d [[tazɣurt|tezɣurt]] .

Ibeldisen ttidiren deg waṭas n twennaṭin n umadal, Amur ameqran degsen deg waman anda ugar n 3000 n telmas n ibeldisen ttidiren s ddaw n waman n [[ilel|illan]] d [[agaraw|igarawen]] yakk d 5000 n telmas n idem ttidiren deg [[aman iẓidanen|waman iẓidanen]] ([[asif|isafen]], [[iɣzeṛ|iɣezṛawen]], [[agelmim|igelmimen]]) ma d tilmas id yegran ttidirent sufel n tegnit (lqaɛa), Azal ameqran n ibeldisen tetten [[imɣan]] akken i llant telmas tettent isugar igemnawen akken daɣen i llant kra n telma d [[timseksumin]] yerna gant d [[uɣes|timuɣas]].

Ibeldisen gan d tagrawt taɣersawt tameqrant yakk seld n [[aburɣas|iburɣas]] anda llant 40000 n telmas d timiddurin, banen-d ɣer tudert send n 600 [[ms]], akken igan d [[Tigri|tigritin]] timyiwnin iy sselken tagnit imedlen, Amezruy amhazan n ibeldisen yettwassnen s [[tamhazt|temhazt]] n talɣa n [[ajeɣlal|ijeɣlalen-nsen]] .

Irem n ''Gasteropoda'' (igan d [[assaɣ ussnan]] n ibeldisen) yekka-d seg sin n wawalen [[tagrikt tamzikt|igriken]] γαστήρ (gastêr), « Adis », d πούς (poús), « Aṭar ».

* [[Ifeckdaten]] (''Prosobranchia''): d iɣersiwen [[ilel|iwlalen]], lan (sɛan) [[Afuck|iɣenwazen]] deg tazwara (zdat) n tfekka s udem n wul.

* [[Ifeckdfiren]] (''Opisthobranchia''): Yakk nsen d iwlalen, lan (sɛan) [[afuck]] (iɣenwazen) s deffir n tfekka, Am [[tiferdarin]] (''Pteropoda'') i [[Assezgi|yessezgen]] ar tudert tassuflant .

* [[Tinturin]] (''Pulmonata''): Ilan (yesɛan) [[turin]] (aberfiw) deg yideg n ifecka maca kra deg-sent (am [[Alemnis|ilemnisen]]) uɣalen ar tudert deg waman.