Amqerqur : Tameẓla gar ileqman

'''Amqerqur''' deg [[Taqbaylit|tutlayt Taqbaylit]] d [[assaɣ imezdi]] i yettwafken i wugar n 500 n [[talmest|telmas]] n [[Tikelmanin|tkelmanin]] dgi llant waṭas n [[tawacult (tasnudert)|twaculin]] am [[amqerqur idetti|umqerqur idetti]] (''Bufonidae''), Aṭas n midden ur ssinen ara ad ssemgirrden (ad meyyzen) gar n imqerqar d [[agru|igra]] acku ttemcabin s waṭas deg telɣa, maca deg tidet amqerqur yettmil ar tudert deg tzagirt (sufel n wakal) acku ila (yesɛa) aglim yeqquren d yini aras i wakken ad yezmer ad yidir s ddaw n tafat n tfukt w ad [[asengel|issengel]] s iman-is deg twennaṭ is d-yezzin, Dɣa iṭarren n umqerqur d wid-ak yemmugen i tikli mači i wenttag am [[agru|wegru]], Tiẓunt niden deg wemgarad gar n umqerqur d wegru d akken amqerqur yeɣɣaz akal i wakken ad yessers [[tamellalt|timellalin-is]] ma d agru yessrusay timellalin-is s ddaw n waman