Tasekkurt

Tasekkurt (Assaɣ ussnan: Perdix) d assaɣ imezdi id yemmalen kra n telmas n iylalen iy lan (yesɛan) tiseknin timarwaswasin yakk yemmudsen (yettemcabin yakk yemmiqraben) igan d tagemrawt, Tisekrin d tiyuzaṭ s tiddi meẓẓiyen. Tizrawin tussnanin ssknen-t-d d akken irem n Tsekkurt ur yesmutur ara yakk tilmas id yekkan seg yiwen n umraw. S yirem n iden tagrawt n tsekrin tga d azunazɣer (paraphyly) ayen yennumken (ayen yebɣan ad yini) d akken tasekkurt mači d tamsartut. Dɣa tisurta n tesnudert am win n IOC yessismil amur ameqran n iylalen-a deg tɣult wadu-twacult n tsekrawin

tasekkurt
asmil n imuddiren yettwassnen s yisem imezdi
Isefka
Adu-smil n	Phasianidae (fr) d Iwuzaṭ

Taskant

Tasekkurt d aylal yeẓlin (icebḥen) s waṭas deg wafraw-is d uferfer-is, llant waṭas n telmas n tsekrin deg umadal. Talmest igan d timezdit deg tmurt n Iqbayliyen d tasekkurt tamaziɣt, ma deg Uruppa d tasekkurt tazunɣidt yakk d tasekkurt tazeggaɣt yellan s tuget

TTiddi n tsekkrin yeṭṭafaren adu-twacult n tsekrawin d win igan gar n tjira meqqren d yifred meẓẓiyen, Učči n tsekrin yezzi ɣef yifsan id tt-affen-t deg tegnit

Umuɣ n telmas yettusemman Tasekkurt

• Asekkur aṛumi — Alectoris graeca
• Asekkur acukaṛ — Alectoris chukar
• Tasekkurt tamaziɣt — Alectoris barbara
• Tasekkurt tazunɣidt — Perdix perdix
• Tasekkurt tinijdit — Ammoperdix heyi
• Tasekkurt n Tibet — Perdix hodgsoniae
• Tasekkurt tazeggaɣt — Alectoris rufa