Ɛebdelɛaziz Butefliqa

Ɛebdelɛaziz Butefliqa
président de l'Organisation de l'unité africaine (fr)
Aselway n Lezzayer
président de l'Assemblée générale des Nations unies (fr)
Aneɣlaf n tɣawsiwin n wezɣer n tmurt n lezzayer
ambassadeur algérien auprès des Nations unies (fr)
Tameddurt
Talalit	Wejda, 2 Meɣres 1937
Taɣlent	Lezzayer
Axxam-is	Ziralda; Lebyar
Tutlayt tayemmat	Taɛrabt
Lmut	Ziralda, 17 Ctember 2021
Ideg n uẓekka	cimetière d'El Alia (fr)
Tamentilt n tmekkest	isragen igamanen (arrêt cardiorespiratoire (fr) )
Tawacult
Tissulya akked	Amal Triki (en) (Ɣuct 1990 - valeur inconnue)
Atmaten-is d yissetma-s	Saɛid Butefliqa
Tiɣri
Alma mater	université d'Alger (fr)
Tutlayin	Taɛrabt; Tafransist
Amahil
Amahil	asertay, diplomate (fr) d révolutionnaire (fr)
Prizes	ẓer chevalier grand-croix au grand cordon de l'ordre du Mérite de la République italienne ; collier de l'ordre du Mérite civil (2002) ; grande étoile de l'ordre du Mérite autrichien ; grand collier de l'ordre de l'Infant Dom Henri ; ordre de José Marti ; ordre de la République de Serbie ; grand-croix avec collier de l'ordre du Mérite hongrois ; ordre du Mérite national ; Order of the Star of Palestine (2014) ; ordre de l'Amitié ; ordre du Mérite de la République italienne ; ordre du Mérite civil ; ordre du Mérite de la République d'Autriche ; ordre de l'Infant Dom Henri ; ordre du Mérite hongrois ; ordre de Francisco de Miranda ; ordre de la République ; ordre national du Mali ; ordre national du Mérite ; ordre du Soleil ; ordre national de la Croix du Sud ; ordre du Mérite du Chili ; ordre olympique ; Grand Ordre de Mugunghwa ;
Membership	FLN; Assemblée nationale constituante (fr) ; Conseil de la Révolution (fr)
Military service
Yennuɣ deg	Tagrawla tazzayrit
Taflest
Asɣan	Tineslemt; Taṣufit
Ikabaren isertiyen	FLN
IMDb	nm1527318

Ɛebdelɛaziz Butefliqa (s teɛrabt عبد العزيز بوتفليقة, s trumit Abd El-Aziz Bouteflika) yella d aselway n Lezzayer seg 1999 ar 2019, ilul ass 2 meɣres 1937 di tmurt n Merruk.

Tawacult-is

Baba-s n Ɛebdelɛaziz Butefliqa, Aḥmed Butefliqa illul di Tlemsan di 1891 u yemmut ass n 1 dujenbir 1958. Illa meẓẓiy mi yunag ar tmurt n Merruk ar tɣiwant n Wejda. Aḥmed Butefliqa yuɣ-es snat tlawin: Belqayed Rabiɛa d Ɣezlawi Mansuriya, i yellan d yemma-s n Ɛebdelɛaziz Butefliqa. Tella tesɛa yiwen n Ḥemmam di Wejda.

Ɛebdelɛaziz Butefliqa illa d amenzu ger kuẓ (4) wayetma-s sɣur yemma-s. Wigi d Ɛebdelɣani (1940), Musṭafa (1953), Laṭifa (1955), Ɛabderraḥim (1956), d Saɛid Butefliqa (1958). Lameɛna yesɛa daɣen kraḍ (3) yessetma-s sɣur baba-s, ar tmeṭṭut tis snat Belqayed Rabiɛa. Tiki d Faṭima (1934), Yamina (1938), d Ɛica (1941).

Di ɣucṭ 1990, yezwej i tikkelt tamezwarut akk d Amal Triki, yelli-s n Yaḥya Triki, i yellan yiwen u 'diplomate' aqbur di tmurt n Maṣer. Amal Triki tettidir di 'Paris', ur tesɛa ara derya akk d Ɛebdelɛaziz Butefliqa.

ALN

Ɛebdelɛaziz Butefliqa yeɣra di tesnawit Abdelmumen di Wejda alama d aseggas aneggaru n 'Baccalauréat' di 1956. Isyin ikcem ar ALN di Wejda ɣas akken urǧin yerfed sslaḥ di Dzayer neɣ innuɣ mgal i franṣiyen imnekcam.

Aneɣlaf seg 1962 ar 1978

Asmi ifra traḍ, tewwi-d tmurt asarug-is, Ɛebdelɛaziz Butefliqa ikcem-d si tlisa n Merruk u yuɣal d aneɣlaf n ilmezyen d waddal deg udabu n Amed Ben Bella. Asmi i yezzi udabu ar tama n Hewwari Bumedyen di 19 Yunyu 1965, yuɣal Ɛebdelɛaziz Butefliqa d aneɣlaf n temsal n berra alama d lmut n Hewwari Bumedyen di 1978.

Seg 1978 ar 1999

Isyin Ɛebdelɛaziz Butefliqa yesɛeda azal n 20 iseggasen d iminig deg kra n tmura am Swis, Franṣa d Tageldunt n Waɛraben Iduklen anda ixdem ar ugellid-is Ccix Zayed Ben Sulṭan Al Nahyan n imiren. Lameɛna yettruḥu yettuɣal ger timura yagi d Dzayer, la yettraju ass melmi ara d-yuɣal ar udabu.

Di 22 dujenbir 1981 Ɛebdelɛaziz Butefliqa iɛedda di ccreɛ af takarḍa n tedrimt, azal n 6 imelyaren n suntim, asmi yella d aneɣlaf n Huwwari Bumedyen ger 1965-1978. D aselway Cadli Benjdid i t-ismenɛen imi ur isɛda ara lḥebs. D Senusi d Bujakji i yellan xedmen yid-es i kruḥen d asfel n temsalt agi n takarḍa n tedrimt, imi d nitni i sɛeddan lḥebs di Lezzayer tamanaɣt.

Aselway seg 1999 ar 2004

Yuli d aselway tikkelt tamezwarut di 15 ybrir 1999. Llan i iqqraen belli s lemɛiwna n iserdasen (lɛesker) n Dzayer. I wannecta imrecḥin nniḍen i sddis (6) deg-sen am Ḥusin At Aḥmed, jebdent iman-nsent di tefrant n tselwit n 1999.

G tasgagt-agi teḍra tafsut Taberkant n 2001, iǧadarmiyen nɣan 126 imdanen g tmurt n leqbayel.

Aselway seg 2004 ar 2008

Di 8 yebrir 2004, tuɣal daɣen d tasellawt i tikkelt nniḍen s wazal n 85% n leṣwat ɣas ulamma llan 6 imrecḥin, gar-asen Saɛid Seɛdi. Llan i iqqraen belli dima s lemɛiwna n iserdasen d servisat ibaḍniwen,

Tamselyut, Iseddagen & Izdayen Iberraniyen

Muḥemmed Benciku, Bouteflika, une imposture algérienne, Le Matin, 2003