Ɛmiṛuc At Ḥemmuda
Ɛmiṛuc At Ḥemmuda ilul ass n 31 tuber 1926 di Tasaft Wagmun di Tmurt n Leqbayel, d argaz argaz aserti daɣen d argaz aserdasi i yennuɣen ɣef tlelli n tmurt n Lezzayer di Tegrawla Tazzayrit. Yemmut di Busɛada akked Ssi Lḥewwas ass n 28 meɣres 1959 deg webrid-nsen ar Tunes.
 Ɛmiṛuc At Ḥemmuda | |
|---|---|
 | |
| Tameddurt | |
| Talalit | Ibudraren, 31 Tuber 1926 |
| Taɣlent | Fransa |
| Lmut | Busɛada, 29 Meɣres 1959 |
| Tiɣri | |
| Tutlayin | Taqbaylit |
| Amahil | |
| Amahil |
militant ou militante politique (fr)  d aserdas |
| Military service | |
| Taseddart |
colonel (fr) |
| Yennuɣ deg | Tagrawla tazzayrit |
| Taflest | |
| Ikabaren isertiyen |
Amussu i Unalak n Tlelliyiin Timagdayin FLN |
Tudert-is
ẓregIlul ass n 31 tuber 1926 di Tasaft Wagmun, imawlan-is d Ɛmiṛuc At Ḥemmuda akked Faṭima At Mendas, yesɛa daɣen yiwen n gma-s "Busa3d" d win i t-yugaren s 3 yiseggasen. Baba-s yemmut 4 n waguren qbel ad d-ilal, ɣef wakka i yeddem isem-is. Aseggas kan seg wass mi d-ilul, yemma-s teddem-it netta aked gma-s tuɣal ar taddart imawlan-is Iɣil n Wammas. Dinna i yebda ixeddem ar kra n twaculin timeṛkantiyin i wakken ad iɛiwen yemma-s akked gma-s ɣas akken d netta id amecṭuḥ. syin yewwit ɛemmi-s Belɛid At Ḥemmuda yid-s ar Wad el Feḍḍa di Clef anda xeddmen asɣunen n lfeṭṭa.
Tameṭṭut-is d yelli-s n ɛemmi-s "Dda Belɛid" yesɛa ɣur-s yiwen weqcic,Nuṛdin At Ḥemmuda, win ara yuɣalen d imdebbeṛ ɣef ukabar Agraw i Yedles d Tugdut (RCD).
Yekcem ar Tirni n Uslelli Aɣelnaw di Dujember 1954, yessers-it Krim Belqasem ɣef uqeṛṛu n temnaḍt n Ṣṣummam di 1955 iwakken ad tt-iseggem wa d-yerr anermis akked Twilayet Tamezwarut.D netta i d amasay n tɣellist deg Wegraw n Ssumam.Mi yessili wegra n ṣṣumam fernen-t-id wid yekkan deg wegraw iwakken ad yessiweḍ iɣtasen n Wegraw n Ssumam ar Twilayet Tamezwarut acku ur kkan ara deg wegraw, daɣen iwakken ad yefru cwal yellan ger imasayen n twilayet-a (llan ttnaɣen ɣef anwa ara yuɣalen ɣef uqeṛṛu n twilayet). Mi iṛuḥ ar dinn yefra aṭas n yiɣeblan dinna, syin yuɣal-d ar twilayet tis 3 anda isen-yefka ttiɛad i kra n imasayen n twilayet tamezwarut, yuɣal iṛuḥ ar Tunes ikemmel tuɣdaḍt-is dinna akked Ɛmaṛ Uɛemṛan.
Asmi i d-yuɣal si Tunes deg unebdu n 1957, sersen-t ɣef uqeṛṛu n twilayet tis 3 deg wemkan n Muḥamdi Saɛid.