Ḥmed Ameqqran

Ḥmed Ameqqran d yiwen seg yiqerra n tgelda n At Ɛebbas, d anembaḍ n lqelɛa n At Ɛebbas (tamurt n Leqbayel, Lezzayer) deg tasut tis mraw d seddis.

Aẓekka n Ṣelṭan Ḥmed ameqqran deg lqelɛa n at Ɛebbas di Bgayet

Tudert

Deg useggas n 1559, yuli Ḥmed ɣef lɛerc n leḥkem deg wadeg n gma-s Ɛebdelɛaziz u Ɛebbas, mmi-s n mmi-s n selṭan aneggaru n Bgayet Bu Ɛebbas Ɛebdelɛaziz, yettunnefka-as uɣara n Umeqqran mačči win n Selṭan, dayen id-yemmalen abeddel n lwert n tgelda s wayen yella si daxel n tmurt n Leqbayel, ma d arraw-isd warraw n warraw-is ad ṭṭfen aɣar n Meqqrani akka am Ccix Muḥemmed Lmeqqrani yiwen seg yiqerra n nnfaq n 1871.

Mi yemmut gma-s n Umeqqran Ḥmed, Selṭan Ɛebdelɛaziz, ikemmel umeqqran Ḥmed amennuɣ d yiterkiyen i yḥekmen Lezzayer tamanaɣt,  yessewseɛ leḥkem-ines armi d uneẓruf , yessaweḍ s yiserdasen-is armi d tmurt n Wlad Nayel. Yezzi-as-d ula i Lezzayer tamanaɣt i kra n wakud deg useggas n 1598 .

ḥmed Ameqqran yerra-d deg wallaɣ-is iswi n useǧhed n tgelda-ines . Yexdem ɣef uḥkam s tin n lɛali d tmehla igerrzen. Iceǧǧeɛ iberraniyen ad d-kecmen ɣ$er tmurt-is i wakken ad d-awin tussnatin-nsen, annecta yessebgan-dbelli yesɛa ula d netta amur deg usewseɛ n lqelɛa d tuddar i as d-izzin , kra n lebni agejdan yesban-d belli yextar ad yebnu iwakken ad yessewseɛ armi tuweḍ lqelɛa d tamdint, ɛla xlaf n wayen uɣen leqbayel tannumi, ihi lebni yuẓ aṭas ɣer sdat di tallit n Ḥmed Ameqqran.

Di taggara n tasut tis mraw d seddis, yerza Ḥmed Ameqqran ɣer Burǧ Ḥemza di Tubiret i umennuɣ d yiterkiyen, xas akken At Ɛebbas rebḥen tanegluft maca Ḥmed Ameqqran yemmut dinna.