Aɛumar U Leɛmara

Aɛumar U Leɛmara (Aumer U Lamara) d amyaru ilulen deg useggas n 1952 di taddart n budafal taɣiwant n Micli (εin lḥemmam) agezdu n Tizi-Wezzu.[1]

Aɛumar U Leɛmara
Loading icon.gif

TameddurtẒreg

Yekcem aɣerbaz amenzu di taddert-is, mi yesεa 16 n yiseggasen, ikcem ɣer tesnawit tatiqnit n lezzayer tamanaɣt deg useggas n 1968. Yekcem ɣer tseddawit n Lezzayer Tamanaɣt Anda yeḍfer timsirin n tmaziɣt n Lmulud At Mεemmer si 1968 arma d 1974.

Di 1975 yunag ɣer tmurt n Fransa anida yekcem ɣer tseddawit n Besançon akken ad ikkemel leqraya-s n tfizikt, yessaweḍ ad d-yawi agerdas n Duktura deg 1989. Mi d-yuɣal ɣer tmurt, Yesselmed tafizikt di tseddawit n Mulud At Mεemmer n Tizi-wezzu, am wakken ixeddem timsirin n tmaziɣt. Yella di tirkeft n tira n tesɣunt "Tafsut" i d-yessufuɣ Umussu Adelsan Amaziɣ (MCB). Yella d yiwen deg iεeggalen di tdukli tazzayrit n useḥbiber ɣef izerfan n umdan.

Yebda tira s tanaga tamezrayt n baba-s Mesεud Ulamara Iberdan n tissas di 1985. Ikemmel amecwar-ines di tira, aladɣa tasekla tamezrayt imi yura ɣef taggara n yugurten, tagrawla n 1954... Di 2016 yewwi araz n ungal ifazen s tmaziɣt "Racid Allic " id d-theggi tmesbeddit tadelsant Tiregwa n Kanada ɣef ungal-is timlilit di 1962. Ara ass-a Ulamara yessufeɣ-d azal n 08 n yedlisen, am wakken yettaru imagraden ɣef tsertit deg uɣmis "le matin d'Algerie"

Ayen yuraẒreg

  • Iberdan n tissas, tizrigin Le Pas Sage, 2007
  • Tasuqilt ɣer Tefransist, Les Sentiers de l'Honneur tizrigin KuKu 2013, L'Harmattan, 2014
  • Akkin i wedrar, ungal, tizrigin Acab, 2011
  • Tullianum - Taggara n Yugerten, ungal amezray tizrigin HCA, 2009
  • Omaha Beach, Ass-A d Wussan, ungal, Editions Fnacafa 2010
  • Muḥend Abdelkrim, Di Dewla n Ripublik tizrigin L'Harmattan, 2011
  • Timlilit di 1962, ungal tizrigin Acab, 2015
  • Taârabt-tinneslemt n usekkak, tizrigin Acab, 2016
  • Agadir n Roma (ungal) , tizrigin Acab, 2019

TamselyutẒreg

  1. http://www.mcmmto.dz/article.php?post=1503. Unknown parameter |titre= ignored (|title= suggested) (help); Missing or empty |title= (help), 07/09/2020.