Aɣray di Lezzayer

Asaḍuf azzayri yegdel aɣruy akked assewsen fellas s yinuzal neɣ temliliyin. Yal yiwen yeggar-d iman-is deg uzerruy n waɣray yezmer ad ikcem ar usekraf.

Timella n waɣray aẓerfan

Yiwen usenfar n usaḍuf n unabaḍ ɣef uguren n tdawsa yessumer-d ad d-iger waɣray ɣef kraḍ n waddaden kan:

1. Tadist tesres-d tameṭṭut deg umihi usnamnan neɣ allaɣan.
2. Amgun ur yezmir ara ad yedder axaṭer yesεa tazenbegt neɣ aṭṭan imeqsuḥen.
3. Tazmert neɣ tudert n tmeṭṭut tella deg umihi mi tekfa tadest.

Tikliniyin n waɣray s tuffra

Llant kra n tikliniyin i teggent takala war assireg n unabaḍ, Aṭaṣ n temsaɣin-nsent d tiqcicin i uɣalent s tadist maɛna nedment imi ur ttheggint ara iman-nsent i tmasit n tyemmatt, neɣ d tilawin terra-tent tmara ad sseɣlin tadist ɣef ssebbat tidamsanin maca ur bɣint ara ad tent-negren twacult-nsent.

Aɣray d takerḍa

Deg useggas n 1998, yella kra n dderz ɣef waɣray imi tɛeddan iremmaɣen insenselmen deg lḥeṛma n yimiyyaten n tlawin. Tameṭṭut tebɣa azref ad tesseɣli tadist maɛna yegdel-t aṣaḍuf. azzayri imi aɣray ur d-yettili ara deg kraḍ n waddaden.

Amsizzel Agraɣlan i wazref n waɣray aksaɣeṛtan

Lezzayer tella gar tmura i yettekkan deg-s drus i umsizzel n wazref-a ula gar timura n Tafriqt n Ugafa ɣef lǧal n yisuḍaf d tanelayt n tmetti i ttaṭṭafen mliḥ deg tid n zik, ur wjiden ara i udiwenni anafri am wa.