Allus n wazzun n teɣriwin
Deg yitilifunen n ufus n GSM/3GSM (UMTS), talugent n GSM tesbaday-d ingalen n wallus n wazzun n teɣriwin[1] ara d-yettwabedren swadda-a. Tilugan-a d ETSI ay ten-id-igan, ttwabnan ɣef yengalen uṛufiyen izɣen n wallus n wazzun n teɣriwin yerna cuban ingalen ay yettwasseqdacen deg umur ameqran n yizirigen n utilifun urkid[2] deg Tdukli Tuṛufit.
Deg yitilifunen n ufus, tawuri-a tezmer ad tili d aḥric seg asefran[3] n yemsektayen.
| Ameẓlu[4] n wallus n wazzun | Ssermed[5] | Semmet[6] & Sfeḍ uṭṭun ay yettwakelsen | Semmet [& Eǧǧ uṭṭun ay yettwakelsen] | Aẓayer | Ales ssermed |
|---|---|---|---|---|---|
| Allus n wazzun war tawtilt[7]: | |||||
| akk tiɣriwin | *21*[uṭṭun n utilifun]# | ##21# | #21# | *#21# | *21# |
| Allus n wazzun uwtil[8]: | |||||
| ma yettwaṭṭef | *67*[uṭṭun n utilifun]# | ##67# | #67# | *#67# | *67# |
| ma ur telli tririt | *61*[uṭṭun n utilifun]# | ##61# | #61# | *#61# | *61# |
| ma yella beṛṛa i yiger | *62*[uṭṭun n utilifun]# | ##62# | #62# | *#62# | *62# |
| akk isɛeddiyen | *002*[uṭṭun n utilifun]# | ##002# | #002# | *#002# | *002# |
| akk isɛeddiyen uwtilen | *004*[uṭṭun n utilifun]# | ##004# | #004# | *#004# | *004# |
Ma yella azwir[9] n tenzaḍt[10] n wallus n wazzun netta d "**" (deg wemkan n "*" ay d-yettilin s umata), uṭṭun n utilifun ad yettwakles deg uẓeṭṭa. Lemmer, sdeffir waya, imseqdec ad yessens allus n wazzun s tenzaḍt s yiwen n "#", ad yezmer yemseqdec, sakkin, ad yales ad yessermed allus n wazzun-a s tenzaḍt n "*" war ma yella deg-s wuṭṭun n utilifun. Allus n wazzun ad yales ad yettwassermed deg wuṭṭun ay yettwakelsen deg uẓeṭṭa. Ɣef umedya, lemmer yiwen ad yesseqdec angal n beṛṛa n yiger deg tenzaḍt n wallus n wazzun:
**62*7035551212#
sakkin ad yessens allus n wazzun:
#62#
sakkin, ad yezmer ad yales ad yessermed allus n wazzun n beṛṛa n yiger war ma yura uṭṭun n utilifun:
*62#
Mi ara tettweg tenzaḍt-a ay d-yettwabedren sufella, akk tiɣriwin ara yettwawehhin ɣer utilifun mi ara yili beṛṛa i yiger ad ttwasɛeddint ɣer 7035551212. Yezmer yemseqdec ad yessermed tawuri[11] ɣer kra n wuṭṭun ay yemgerraden ɣef wuṭṭun-nni ay yettwakelsen deg wakud aydeg ara yeǧǧ uṭṭun-nni ay yettwakelsen akken ad t-yesseqdec sakkin. Ɣef umedya, lemmer ad yeg tanzaḍt-a:
*62*7185551212#
tiɣriwin ad ttwasɛeddint ɣer 7185551212 (yerna maci ɣer wuṭṭun ay yettwakelsen 7035551212). D acu kan, lemmer ad yeg tanzaḍt niḍen:
*62#
tiɣriwin ad qqlent ad ttwasɛeddayent ɣer wuṭṭun ay yettwakelsen 7035551212 (yerna maci ɣer wuṭṭun-nni n tenzaḍt n wallus n wazzun ay yettwasqedcen yagi 7185551212).
Nnig waya, deg yiẓeḍwan n GSM, am wid n T-Mobile d AT&T Mobility deg Yiwunak Yeddukklen d wakk iẓeḍwan n utilifun n ufus deg Tdukli Tuṛufit, yezmer yemseqdec ad d-yesbadu amḍan n tsinin aydeg atilifun ad yesserser uqbel ma yesɛedda tiɣri. Imseqdec yezmer ad d-yesbadu aya s tira n "*SC*XX" uqbel "#" aneggaru mi ara yaru tanzaḍt n wallus n wazzun, aydeg "SC" d angal n tewsit n umeẓlu (11 i taɣect, 25 i yisefka, 13 i ufaks), yerna "XX" d amḍan n tsinin ay yettwaḥsaben s 5 n tsinin. Ma yella ad yettwakkes "SC" (yerna ad yili kan "**XX"), dɣa akk tiwsatin n yimeẓla ad ttwasɛeddint. Ɣef umedya, allus n wazzun n teɣri lemmer ur tettili tririt yezmer ad d-yili s:
*61*[uṭṭun n utilifun]**[tasinin]#
Deg kra n yiẓeḍwan, tezmer ad tili talast n 30 n tsinin ma aṭas uqbel allus n wazzun (anamek-nnes "XX" yezmer kan ad yili 5, 10, 15, 20, 25 neɣ 30; azalen imeqranen ugar am 45 neɣ 60 d wid ara yessiwḍen tanzaḍt-nni n wallus n wazzun ad tettwagi yerna ad d-yettwazen yizen n tuccḍa).