Antoine de Saint Exupery
[1][1]Antoine De Saint Exupery ilul ass n 29 deg yunyu 1900 di tmurt n Liyun d mmi-s n Jean d Marie de Fonscolombe ɣas ur yeẓwir ara deg uɣerbaz maca yufrar-d deg tira yerna yerbaḥ arraz n walus deg tesnawit. Seld lmut n baba-s d yemma-s ara ibedden ɣer xemsa warraw-is iwumi tesselmed unuɣ d uẓawan akken i asen- d-qqar idlisen iḥemmelen aṭas ladɣa win ara ten-yarun ɣer zdat
Deg 1917 gma-s ad yemmet s waṭan rhumatisme aya yeǧǧa cama tameqqṛant deg tudert n Antoine ara yebdun taɣuri n Balzac d imeqṛanen-nniḍen n tsekla maca aya ur ibeddel ara igemmaḍ-is imi yella gar ineggura deg uɣerbaz-is. Seld akayad-is bac d lexsara n uɣerbaz n yil ad yekcem ɣer tredsa anda ara yexdem ameẓlu-is aserdasan n temsrifgin deg Strasbourg syin ɣer Casablanca maca yeḍra-d tmedrit n temsrifegt deg useggas n 1923 yeǧǧan Antoine ad yeffaɣ syin yerna ur iɛawed ara yesrifeg alma d 1926 imiren dɣa ara d-yessufaɣ adlis-is «L’aviateur» syin « Courrier » « Vol de nuit » akked «Terre des hommes» yewwin arraz n ugraw aṛumi deg 1939 d adlis d-yettmeslayen ɣef tudert n umaru afug-is d temliliyin-is d yimdanen. Adlis « Le petit prince » d-yeffɣen deg useggas n 1943 d adlis n tsekla tafṛansist yettwaɣṛan yerna yettwasnen akk aṭas di ddunit « iwessuren akk llan d igerdan uqbel ad imɣuren maca drus deg-sen i yecfan ». Di lawan n tṛaḍ wis-sin n umaḍal ɣas netta yebɣa ad iselḥu timsrifegt n tṛaḍ maca iɣeblan-is n tezmert ad ǧǧen ilmeẓi ad yili d amɛiwen kan dɣa ass 31 deg yulyu 1944 deg yiwen yinig ara teɣbu temsrifegt-is deg yil agrakal ad yettuneḥsab seg wid yemmuten.