Asif n Mississippi

Asif n Mississippi d asif ameqran akk deg Tamrikt n Ugafa. Ibeddu-d seg ugelmim n Itasca (deg Minnesota, deg Yiwunak Yeddukklen), yerna aman-nnes ttenɣalen s anẓul arma d Abagu n Miksik. Isafen n Missouri ed Ohio ssenɣalen-d daɣen aman-nsen s asif-a. Mississippi ɣer-s 3.780 n yikilumitren deg teɣzef, yerna tajumma-nnes tuweḍ ɣer 3,1 km². D anaram Hernando de Soto ay d Uṛufi amezwaru ay yuwḍen s asif-a deg 1541. Deg 1673, Ifṛensisen Louis Jolliet ed Jacques Marquette ssaklen deg wasif-a yerna uwḍen armi d asif n Arkansas. Anaram afṛensis La Salle yuweḍ s adelta n wasif-a deg 1682 yerna d netta ay d Afṛensis amezwaru ay d-yesɣerten tama n Mississippi ed Louisiana d ayla n Fṛansa. D aya ay yejjan Fṛansa ad teḥkem tama n ugafa n wasif-nni. Ma d tama n wenẓul-nnes teqqel ddaw udabu n Spenyul seg 1769 d asawen. Deg 1783, Iwunak Yeddukklen rran asif n Mississippi d talast-nsen tutrimt, sakkin, deg 1803, Fṛansa tessenz akal-nnes n Mississippi ed Louisiana i Yiwunak Yeddukklen. Deg 1863, deg tallit n Ṭṭraḍ aɣarim deg Yiwunak Yeddukklen, iɣallen imarikaniyen n Tdukli ḍḍfen tamdint n Vicksburg ay d-yezgan ɣef wasif n Mississippi yerna d aya ay ten-yejjan ad sbeɛden iɣallen Ikunfidiṛaliyen ɣef wasif-a. Ass-a, asif n Mississippi yeqqel d abrid ameqran n yiɣerruba deg Yiwunak Yeddukklen.

Asif n Mississippi
fleuve (fr)
Isefka
Isem aẓaran	Mississippi River
Source (fr)	Agelmim n Itasca
Se jette dans (fr)	Abagu n Miksik
Bassin versant (fr)	bassin du Mississippi (fr)
Pays souverain sur le bassin versant (fr)	Iwunak Yeddukklen n Temrikt d Kanada
Continent (fr)	Tamrikt n Ugafa
Tamurt	Iwunak Yeddukklen n Temrikt
Izṭi akudan	Heure du Centre (fr)
Ansa
47°14′23″N 95°12′27″W
Awanek anayan	Iwunak Yeddukklen n Temrikt