Awarzim

Awarzim (Algorithme) d aneḍfur n tnaḍin (Instructions) d temehlin (Opérations) yetwasqedcen i tifrat n wuguren. Annar n tezrawt n Yiwarzimen qarenas Tasnurzimt (Algorithmique). Nezmer anwali Awarzim am "Tismelt" anda yal aḥric yettwasbed akken ad yaweḍ ɣer kra n ugmuḍ usdid.

Awal Awarzim yekka-d seg yisem n Umusnak (Mathématicien) afarsi "Muḥemmed ibn Musa al-Xawarizmi", i yeddren deg uwines wis 9. Amahil-nnes d win iyesnernan Ajbar (Algèbre) d Tsnamḍant (Arithmétique).

Ass-a, Iwerzimen tturaren tamlilt meqren deg waṭas n yeḥricen ussnanen (Scientifiques) d yitwilanen (Techniques), ladɣa deg Tsenselkimt (Informatique), anda alan d adda n yihallen (Programmes) d yiseɣẓanen (Logiciels) i yesedayen allalen-nneɣ ilikṭruniyen. Nettaf iwerzimen deg Tigzi taragmawant (Intelligence Artificielle), Awgelhan (Cryptographie), Asekker n tugna (Traitement d’images), Asekker n isefka (Traitement des données) …

Timeẓliyin (Caractéristiques) n yiwarzimen

Iwarzimen sɛan aṭas n tmeẓliyin tigejdanin.

Tiwsatin (Types) n yiwarzimen

Iwerzimen bḍan ɣef waṭas n tewsatin, s lmendad n temṣukt-nsen, n tmeẓla-nsen d tarrayt n tifrat-nsen.

1. Iwerzimen iguclanen (déterministes)

Awarzim aguclan yeṭṭafar yiwen wubrid i wakken ad yaweḍ ɣer tṛeẓmi. Seg yiwen unekcum, yetfaras yiwet n tifrat. Amedya: Iwerzimen n wefran (am wefran s tguri) d iguclanen.

2. Iwerzimen ur iguclanen-ara (non-déterministes)

Awarzim ur iguclan-ara yezmer ad isniṛem aṭas n tifrat iwaken ad-isefru yiwen n wagnu, yezmer daɣen ad-yefk aṭas n tifrat i yiwen unekcum. Twasqedcen aṭas g Usiḍen aseqqaran (Calcul probabilistes), am uwerzim n Munti Karlu (Monte Carlo).