Camil Selmanuvič Basayib ( s trusit : Шамиль Салманович Басаев), ilul deg 14 yennayer 1965 deg Tsa-Bidinu , deg tmurt n Cican yettwanebḍen sɣur Rrus , yemmut deg 10 yulyu 2006 deg Inguci , yella d anemhal n terbaɛt yettnaɣen i tmunnent n Cican , yexdem aṭas n teṭagin tirebrabin .

Camil Nasayib

Tudert n temẓiẒreg

Ilul-d uqcic Camil Selmanuvič Basayeb deg tmurt n Cican i temhel Rusya , mi akken ulac tagrawla deg 14 yennayer 1965 , yedder-d am yigerdan-nniḍen , s tɣelnawt tasubyitit-tarusit , yekfa-d ulmud-is deg tsenawit deg useggas n 1982 , yexdem deg yiserdasen n tiddukla tasubyitit . Mi d-yeffeɣ seg-s yefteḥ tasɣunt i deg yesnuzuy isekimen deg Musku deg useggas n 1988 , ulac d acu i t-ixuṣṣen imiren akken i yedder ula d ardekal ɣelluy d ufraq n tiddukla tasubyitit d tlalit n Rusya . Deg tallit-nni yella Buris Elčin i ynebḍen tamurt , ihi llan wid iɛerḍen ad t-as-ksen anbaḍ n tmurt . Dɣa imiren yeǧǧa Camil axeddim-is iɛedda ad iḥudd aselway n Rusya s akk tezmert-is imi yettwali iman-is d amdan arusi ilaq ad iḥudd ɣef tmurt-is s akk ayen i yezmer .

Abeddel n tudert-is .Ẓreg

Mi akken yekfa imenɣi ɣef Rrus i yeqqimen i yumayen kan  . Yegmen ad yuɣal ɣer tudert n zik-nni , maca yesla i tiɣri n yiwen n urgaz acicani qqaren-as Jawhar Dudayib , yefka timunent i tmurt n Cican akken akk xedment tagdudatin nniḍen yellan tekkant ɣer tiddukla tasubyitit , yerra Cican d tamurt s yiman-is . Maca irusiyen ugin aya ceyyɛen timacinin d tmesrefgin-nsen ɣer Cican yekker imirren Nnfaq acicani amezzwaru . Imiren iserdasen n Rusya sxedmen yiwet akken n tḥila qqaren-as ( tamurt yerɣan ) , bdan sserɣayen yal adeg ara d-kecmen .

Imenɣi acicani amezzwaruẒreg

Cwiṭ cwiṭ yebda Camil yettḥulfu belli Rusya ur telli ara d tamurt-is ihi yerra deg wallaɣ-is tikti n nnfaq ɣef tmunent n tmura tinselmin  , yeǧǧa Musku , yerra ɣer tmurt n Ṭajikstan deg useggas n 1991 , deg-s i yessen aɣella Ibn-Xettab d yimesnaɣen iɣriben id-yusan seg Afɣanistan i yimenɣi deg Tajikstan , syin yerra ɣer Azerbijan d yimesnaɣen iɣriben agi dɣa , akken ad nnaɣen d yiserdasen n tmurt n Arminya deg Nagurnu karabax , syin deg useggas n 1993 yunag ɣer Abxazya i yesɛan amur ameqqran n yimezdaɣ-is d inselmen tella tettnaɣ ɣef snat n lǧihat tin n ugafa d Rusya , d tin n unẓul d Ǧurǧya . Deg useggas id-iteddun , deg 1994 yekker yimenɣi acicani amezzwaru , dɣa imiren i unagen ɣur-s yimsenɣiyen iɣriben i yellan niqal deg Afɣanistan , snen amek ggan yiserdasen n Rrus dɣa bdan amennuɣ deg Cican s ddaw n tmehla n Basayib . Basayib imi d aserdas arusi aqbur yexdemen deg Cican yessen anda i tilin yiserdasen irusiyen , imesnaɣen iɣriben snen amek ggan yirusiyen d wamk zemren ad ten-seɣlin dɣa imiren bdan tinṭagin-nsn id-yessufuɣen ugar n twines n wid yemmuten d wugar n, 15 n tmacinin yerɣan .  Bdan tdukulen d yiserdasen n Jawhar DUdqyib yesɛqn iserdqsen unṣiben . tirbaɛ n Basayib d Ibn-xettab xeddment tinṭagin , iserdasen n Dudayib ttḥuddun ɣef Cican mi ara d-awḍen lɛesker ɣur-sen . Dɣa imiren i yeqqel Basayib  d anembaḍ n trebaɛ n uzbu ineslem . Iserdasen irusiyen mi ten-wḍen yisallen sṭerḍqen axxam n basayib , dɣa temmut dinna tmeṭṭut-is d gma-s d weltma-s d 7 n warraw n weltma-s , imiren yegmen ad d-yerr ttaṛ s tirrin n umenɣi ɣer wul n Rusya .

Imi mmuten wazal n 100000 n yicicaniyen deg nnfaq-agi , ur yemmut ḥedd seg yirusiyen anagar iserdasen , yegmen ad yeṣṣaweḍ tiɣri ɣer wul n Rrus ( akken id-yenna netta ) , ladɣa imi Rusya ur tettak ara azal meqqren i wid i as-yemmuten seg yiserdasen-is imi tesɛa aṭas macci akka am tmura n umalu . Yuwi deg tkamyunin yettawin tagellla 35 n yimesnaɣen d waṭas n leslaḥ d rṣas , mebla ma ẓran s anda rren , yebɣa kan ad asen-d-isaweḍ taqriḥt ɣur-sen , deg ubrid-is yerna-d imesnaɣen armi wḍen 154 . Zegren tilisa wḍen ɣer temdint n Budyunubisk deg Rusya , rran ɣer usegnaf n yiserdasen n Budyunubisk ideg llan 1600 n yiserdasen gar-asen imejjayen iɛeskriyen d yiɣallen , d widak i teḥwaǧ Rusya , Dɣa deg snat n swayeɛ seg wass n 14 yunyu 1995 ḥerṣen asegnaf-nni , ceyyɛen-d yirusiyen iserdasen-nsen akken ad d-awin akk iɣallen d yimejjayen-nni maca tirbaɛ n Camil ugin-t , dɣa terra tmara Buris Elčin ad yeḥbes imenɣi deg Cican , mi yeffeɣ camil d terbaɛt-is seg usegnaf yuwi yid-s akk iserdasen yid-s ɣer cican . Yebda amsefhem d Rrus .

Qabel , deg 1996 , mi d-ḍra tnegluft n Bruzni , itekka Basayib d Ibn al-Xettab deg yimenɣi akked 10000 n yiserdasen id-ǧǧa Rusya deg bruzni tamanaɣt n Cican , dɣa imiren i yekkfa nnfaq acicani amenzu s tuffɣa n Rrus deg ɣuct 1996 , imioren i bdan amsefhem d rrus , tuwi-d cican timunent-is deg 1997 maca armi d 1999 mi d-yuweḍ uselway amaynut Bladimir Butin , i d-yerran iserdasen ɣer Cican imi teṭṭerḍeq lbumba gar yiserdasen irusiyen yexdmen tanṭagt deg cican ,

Imenɣi acicani wis sin d lmut-isẒreg

Mi yekker nnfaq acicani wis sin terɣa akk Cican s lbumbat n Rrus , aṭas i yemmuten , tuddar akk negrent , ixxamen akk rɣan , iserdasen n Rrus gemnen ad nɣen yal aɣella itekkan deg itekkan deg ṭṭrad amenzu ɣer tama tacicanit . Yemmut Jwahar Dudayib s lbumba deg 1996 , yettwanɣa Ibn al-Xettab s ssem deg 2002 , yettwaṭerdeq wadeg ideg yella uselway acicani n yimiren Salim Xan Dɣa yemmut deg 2004 , yeggra-d kan Basayib , i d-nnan fella-s yemmut seddis n yiberdan , yal abrid yettefeɣ-d yeqqar-d d tikerkas aya , armi qrib i derwecen yirusiyen , fkan araz n wazal n 10 000 000 $  ( 10 n yimelyan dullar ) i win ara t-yeṭṭfen . Ɛerḍen ad tenɣen acḥal d abrid ula d aḍar-is yegzem imiren . Deg 2006 , yiwen n urgaz i yxedɛen Camil Basayib , yefka-as-d tasunayt yeččuren d leslaḥ mi iɛedda ad t-id yeddem , teṭṭerḍeq lbumba i t-yenɣan . Ardekal lmut-is terra Rusya Ḥmed qadirub lmufti n Cican , syin mmi*-s Remḍan Qadirub d iselwayen ɣef Cican