Diduc Murad
Diduc Muṛad (s tefransist Didouche Mourad s taɛrabt : ديدوش مراد), ilul ass n 13 Yulyu 1927 di Lezzayer tamanaɣt, yemmut ass n 18 Yennayer 1955 di Condé-Smendou di Qsenṭina. D yiwen gar sdis imeɣnasen i yesbedden Tirni n Weslelli Aɣelnaw, daɣen d netta i yellan ɣef uqeṛṛu n Minṭaqa n Qsenṭina si 1 unbir 1954 armi i yemmut.
 Diduc Murad | |
|---|---|
 | |
| Tameddurt | |
| Talalit | Lezzayer, 1922 |
| Lmut | Ziɣut Yusef, 18 Yennayer 1955 |
| Tiɣri | |
| Tutlayin | Taɛrabt |
| Amahil | |
| Amahil | aserdas |
| Military service | |
| Taseddart |
colonel (fr)  |
| Yennuɣ deg | Tagrawla tazzayrit |
| Taflest | |
| Ikabaren isertiyen | Akabar n Wegdud Azzayri |
Tameddurt-is ẓreg
Timeḍrit d ussinen ẓreg
Diduc Muṛad ilul deg wegmam 'La Redoute' (tura El Muṛadiya) di Lezzayer tamanaɣt, imawlan-is d iqbayliyen si teddart Iberskriyen n tɣiwant Aɣrib di Tizi Wezzu, yeɣra deg uɣerbaz amezwaru n El Muṛadiya syin yekcem ar tesnawit n Ruisseau.
Amennuɣ ɣef uzarug n tmurt n Lezzayer ẓreg
Ikcem s Akabar n Wegdud Azzayri (MTLD) deg useggas n 1942. Deg useggas n 1947 yella daɣen gar wid id-yesnulfan Tuddsa Tuffirt (OS), d tuddsa i yellan tettheggi i ṭṭraḍ i wakken ad tekkes tsehrest n Fṛansa si tmurt n Lezzayer. Yettwaṭṭef di 1950 mi tfaq fransa i tuddsa tuffirt, acu kan yerwel-d seg wmmas n temsulta. Yemlal Mesṭafa Benbul3id di 1952 di lezzayer, anda ttkemmilen ahil n tuddsa tuffirt.
Deg unebdu n 1954, Muḥamed Buḍiaf ijemɛed 22 n yimeɣnasen n tuddsa tuffirt, gar-asen Diduc, Benbulɛid, Benmhidi ..atg deg wexxam n Lyes Derric id-yusan di Clos-Salembier, deg unejmuɛ-a ɣetsen ad bdun ṭṭraḍ uslelli n lezzayer mgal Fṛansa, daɣen fernen-d sdis n imasayen ara iḍebren ɣef tegrawla gar-asen semmus n iqeṛṛay n twilaytin. Ssi Ɛebdelqader sersent ɣef uqeṛṛu n twilayet tis snat (Qsenṭina).
D netta akked Buḍiaf i yuran Taseɣret n umezwaru n wunbir, iwakken ad sfehmen i wegdud azzayri iwacu i yuiln s adrar, akked wayɣer ilaq ad ten-ɛawnen.
Yemmut Diduc Muṛad ass n 18 yennayer 1955, deg imenɣi n Dewwar Swadek, di Condé-Smendu, di Qsenṭina (Tura Ziɣut Yusef). D netta i d aqeṛṛu n twilayet amezwaru ara yettwaɣen, mi yemmut sersen Ziɣut Yusef deg wemkan-is.
Tajmilt ẓreg
Semman fell-as yiwen seg izeglalen imeqqranen n Lezzayer tamanaɣt.