Huda Iman Ferɛun
Huda Iman Ferɛun (s taɛrabt: هدى إيمان فرعون، s tefransist: Houda-Imane Feraoun), tlul deg wass n 16 yunyu 1979 deg Sidi Belɛebbas, d tanagmayt deg tfizikt, seg 15 mayyu 2015 tuɣal d taneɣlaft n tnazant d ttiknulujiyin n talɣut d teywalt.
Huda Iman Ferɛun d taneɣlaft tameẓyant akk deg unabaḍ n Sellal, d tugna tameẓyant meṛṛa deg umezruy Azzayri ara yewweḍen d taneɣlaft. Tewwi-d tirmit-ines n Bac ɣef 16 n yiseggasen, ɣef 22 n yiseggasen tewwi-d agerdas deg tfizikt, ɣef 26 n yiseggasen tewwi-d agerdas n duktura, d taselmadt deg tesdawit n Tlemsan ɣef 34 n yiseggasen. Tessufeɣ-d ugar n 40 n isegdad ussnanen.
 Huda Iman Ferɛun | |||
|---|---|---|---|
_(cropped).jpg) | |||
15 Mayyu 2015 - ← Zohra Derdouri (fr)  | |||
| Tameddurt | |||
| Talalit | Sidi Belɛebbas, 16 Yunyu 1979 (45 n yiseggasen) | ||
| Taɣlent | Lezzayer | ||
| Tiɣri | |||
| Alma mater |
université Djillali Liabes (fr) université de technologie de Belfort-Montbéliard (fr) | ||
| Tutlayin | Taɛrabt | ||
| Amahil | |||
| Amahil | Amsengam, asertay d Aselmad n tesdawit | ||
| Imɛellmen |
université de Tlemcen (fr) | ||
| Taflest | |||
| Ikabaren isertiyen | FLN | ||
Tameddurt
ẓregHuda Iman Ferɛun tlul ass n 16 yunyu 1979 deg Sidi Belɛebbas (amalu n tmurt n lezzayer), din daɣen i tegma.
Tekker-d akked 4 n wayetma-s deg uxxam i tezdaɣ talwit. Tewwi-d tirmit n Bac (deg tussniwin tiseddiyin) deg tesnawit n Si Lḥewwas deg Sidi Belɛebbas asmi i yella deg leɛmer-is 16 n yiseggasen, dɣa tkemmel leqṛaya-ines deg tesdawit n Ǧilali Lyabes deg Sidi Belɛebbas almi d asmi i d-tewwi agerdas deg tfizikt deg useggas n 1999, s yin tkemmel Majistir deg tesdawit nni kan almi d 2001, s yin akkin tkemmel daɣen duktura-ines almi i tt-tfuk deg useggas n 2005.
Leqṛaya deg Fransa
ẓregDeg 2005, tewwi-d taggazt ɣer Franche-Comté (tasdawit n ttiknulujit n Belfort-Montbéliard) deg Fransa, anda i d-tewwi duktura-ines, dɣa din aṭas n tewwura i as-d-yeldin, maca nettat textar ad d-tuɣal ɣer tmurt n Lezzayer <<Zemreɣ ad qqimeɣ deg Fransa ad idiraɣ deg talwit daɣen ad xedmaɣ aṭas n yedrimen>>, <<Iswi-inu ad refdaɣ tamurt-iw, ad kkiɣ deg usbeddi n kra yelhan deg-s>>, akka i d-tenna i uɣmis TSA.
Tameṭṭut taneɣlaft
ẓregDeg 14 mayyu 2015, Huda Iman Ferɛun tuɣal d taneɣlaft n tnazant d ttiknulujiyin n talɣut d teywalt deg umkan n Zuhra Derduri. Deg 2019, ires fell-as ucetki ɣef usgufsu (corruption), isem-ines yedda-d deg ukaram (dossier) n Kuninef, ɣef wanect-a i as-d-yessawel uxxam n teɣdemt (justice).