Iẓnagen

Iẓnagen llan di zik yiwet n tdukkli n teqbilin timaziɣin akwd Iznaten d Imeṣmuden. Ar ass-agi aṭas n teqbilin d yimḍiqen d twaculin semman iman-nsen s yisem-nni.

Aẓar n wawal

Iẓnagen, «At Aẓnag», Aẓnag mmi-s n Abernus (Branis/Ibernas), d mmi-s n Maziɣ, lejdud n akk yimaziɣen. Amuzilg n yisem Iẓnagen yekka-d seg waɛraben n zik i wumi ur yezmiran ara ad susren imesilwen imaziɣen am Yag (G) ur yellan ara s teɛrabt.

Ad nufa daɣen imuzligen-agi : Ifnayen, Znaga, Zenaga, Sanaga, Senaja, Senhadji, Sanhdja, Sanhadja, Çanhaja, Sinhâja.

Amezruy

Iẓnagen llan wehḥric n Nnumidiya n zik, zedɣen-tt si zik. Iẓnagen llan imir-nni ddren akk deg uxxamen di Tmazɣa akk d Leqbayel, Ijnaten, imṣmuden d Iktamen.

Iẓnagen kkan-d seg unẓul-utraman n Uneẓruf, maca sakin d-yusin iɛraben, tiqbilin regglent ar ugafa ar Weṭlas Alemmas ar Aṭlas n Uneẓruf d Tmurt Leqbayel.

Isem n wasif Sinigal yekka-d seg yiẓnagen, s ufus n Tburtigizt Sanaga.

Gar teqbilin n yeẓnagen ad nufa :

• Talkat i yesnulfan tidinastiyin n At Ziri d At Ḥemmad deg Tmazɣa Talemmast, Tunes d Wendlus. Zikenni zgan-d s waṭas di Bgayet, Tamsilt d Tunes.
• Ilemtiyen/Lemtuna, id yefkan tadinastit n Imrabṭen.
• Igdalen
• Imesufen