Iflisen Umellil

Iflisen Umellil neɣ Iflisen n Wedrar d taqbilt i-d yezgan deg tama utrim n wezrir n Ǧerǧer.

Iflisen llan gar yidurar n Tmezrit (822m) d wid n Tigremunt (1028 m), af izuɣar d yessafen n Sabaw d Yesser. D taqbilt i yettnaɣ aṭas deg umezruy-yines, imezdaɣ-nsen d imnaɣen mgal Baylik n Iṭṭurken d yirumiyen.

Azar n Wawal

Irruman ufan-d semmus n temwayin g yidurar n Ǧerǧer gar-asen : Faraxen (At Frawsen), Iflensès (Iflisen) d Azus (ur nufi ara isem-nni ass-a). Qqaran Iflisen yusan-d seg tarwa n Isaflensès neɣ Iflensès.

Isunen neɣ lɛarc n Yeflisen

Llant azal n 13 n lɛarc gar Yeflisen Umellil, a naf :

• Inezliwen
• Imzalen
• Imkiren
• Ibuɛezzunen
• At Yeḥya Umusa
• At Meqlaɛ
• Iɣemrasen
• Irafan
• At Buruba
• At Ɛemran
• At Bu Cnaca
• Lɛarc Alemmas
• At Ɛarif

Kra n medden rnan azal n 3 teqbilin aked Iflisen Umellil deg tmaya-nni :

• At Cilmun
• Rouafa
• Iweɛzunen
• At Xelfun qqanen aṭas aked Yeflisen Umellil acku nnaɣen nezzeh yid-sen mgal inekcamen iṭurken d yirumiyen maca tameslayt-nsen ur d kif-kif tin n Yeflisen. Ɣur-sen awalen iman-nsen.

Tinmeɣṛutin gar lɛerc ed tɣiwanin n wass-a

Tinmeɣṛutin gar lɛerc ed tɣiwanin

Inezliwen	Draɛ Lmizan	Tawilayt n Tizi Uzzu
Imẓalen	Tizi Ɣennif	Tawilayt n Tizi Uzzu
Imkiren	Imkiren	Tawilayt n Tizi Uzzu
Ibuɛezzunen ed At Yeḥya U Musa	At Yeḥya Musa	Tawilayt n Tizi Uzzu
At Ɛarif	Anẓul n Tirmitin, deg ugafa llan " At Xlifa " seg teqbilt n Imaɛtuqen	Tawilayt n Tizi Uzzu
At Bu Cnaca, Sidi Ɛli Bunab ed Lɛerch Alemmas	Tadmayt	Tawilayt n Tizi Uzzu
At Meqlaɛ, Iɣemrasen, Irafan, At Buruba ed At Ɛemran	Leɛzib n Zeɛmum	Tawilayt n Bumerdas