Kamal Ḥemmadi s yisem-is aḥeqqani Lεerbi Zeggan, ilulen ass n 22 deg duǧember 1936 deg At Dawed (Tizi Wezzu), d acennay aqbayli d bab uẓawan d yimeslayen, maca yura daɣen imeslayen n tuɣac s taεrabt n Lezzayer. Yettwassen ladɣa s leqdic i iga akke d waṭas inaẓuren n tsutiwin yemgaraden, gar-asen wid mucaεen am At Mengellat, Ǧamal Σellam, Lεenqa, Xaled, Maami ; akka tura yura ugar n 2000 n tezlatin. Temṭṭut-is d Nura.