Tala Ɛetman
Tala Ɛetman (s tefrensist : Tala Athmane), d taddart ger tudrin n Tmurt n Yeqbayliyen, d tin i d-yezgan 15 n ikilumitren ar usamar n tɣiwant n Tizi Wezzu. Angal n tnazzant-ines (Code Postal) 15144[1].
 Tala Ɛetman | ||||
|---|---|---|---|---|
 | ||||
|
| ||||
| Ansa | ||||
| ||||
| Awanek anayan | Lezzayer | |||
| Tawilayt | Tawilayt n Tizi Wezzu | |||
| Tadayra | Tadayra n Tizi Wezzu | |||
| Taɣiwant | Tizi Wezzu | |||
| Amekzay uglim | ||||
Code postal (fr)  | 15144 | |||
Ayen i d-yezzin i Taddart n Tala Ɛetman: ẓreg
- At Wagnun (Agafa)
- Ččalawaṭi d Jebla (Agafa-Asamar)
- Tamda (Asamar)
- Asif n Sabaw (Anẓul)
- Tazmalt (Tizi Wezzu) (Amalu)
- Aɛeṛqub n Tbarda « Tiplakin » (Agafa-Amalu)
Tala Ɛetman tebḍa ɣef smmus(5) n igmamen(Quartiers) : ẓreg
- La Zone : deg wayeg yella Ssuq n Tala Ɛetman d waṭas n luzinat. D tin daɣen i d-yessekcamen tadrimt meqren i tɣiwant n Tizi Wezzu.
- Tazmalt n Wadda
- Taddart n Ufella
- Iɣil n Ufella
- La Cité (aɣaram s Teqbaylit)
Tala Ɛetman tesɛa : ẓreg
- Aɣerbaz amenzu Atmaten Mula
- Aɣerbaz alemmas amaɣras Amar Bubker
- Tanazzant(Bureau de Poste) : angal-is 15144
- Annar n ddabex n uḍar
- Tazeqqa n tujya amaɣras Ɛliwat Belɛid
Amezruy ẓreg
- Uqbel timunent n Lezzayer :
Deg iseggasen n 1930, Tala Ɛetman tella d taddart d tamecṭuḥt, tesɛa drus n imezdaɣ, Iɣil n Ufella, Tadukart d Lexmis llan d iɛeṛqyab, kera deg-sen tteẓẓun-ten ma d wiyiḍ kssen deg-sen lmal. 3(Kṛaḍ) n tisutwin(Générations) ɣer deffir, at taddart zedɣen ixxamen yebnan s walim d waluḍ, am ixxamen urkel n Tamurt n Iqbayliyen, di lweqt-nni win yesɛan axxam d lɛali-t d win yebnan s weblaḍ akked uqeṛmud n leqbayel. Tudert ussan-nni tella qssiḥet mačči d kra.
- Lawan n tegrawla :
Lawan n tegrawla, tella-d yiwet n temlilit di Makuda, i g-llan s ddaw n laɛnaya n lyuṭnu Amer Bessalaḥ, i wumi qqaṛen "El Bass", igensasen(Représentants) n temnaḍin n At Wagnun d Makuda llan deg temlilit-agi. Tala Ɛetman tceggeɛ Mass Mula Ali(Ali Wamer) akked Mass Benziyan Muḥemmed(Ṛebbaṭ). Ssin-agi ttewakelfen ad jemɛen isurdiyen d isufar nniḍen i Tirni Tesllullit Taɣennawt(FLN). Mass Aṛezqi Kaceṛ rran-t d aqeṛṛu ɣef umussu-agi, imir yefren wid ara yilin deg umussu-agi : Gawa Ḥend, Benziyan Muḥemmed(Ṛebbaṭ), Ǧemɛa Akli, Amer Xeyaṛ, Certuḥa Aṛezqi, Geṭṭab Ali. Wigi ttewakelfen ad jemɛen tadrimt akked leslaḥ(Ibeckiḍen, Timeẓyanin...atg), amussu-agi yeḍmen isufar n wučči d teɣellist(Sécurité) n imenɣan (Imjuhad) ma ara mlilen, neɣ ma ara bedllen amekkan. Di tazwara n useggas 1955, Tala Ɛetman teṭṭef amekkan axatar (Important) deg Lwilaya tis 3, i d-yefkkan aṭṭas i waken ad d-tawi Tmurt n Lezzayer timunent-is(Indépendance).
- Tallit n timunent :
Akken kan tefra tegrawla, Lezzayer tewwi-d timunent-is, imezdaɣ bdan tteɛawaden lebni n taddart-nsen, ayen iwumi qqaren Abraḥ(Tala) yettwaxdem deg useggas n 1963. Leǧameɛ, d lebni i yesɛan azal d ameqqran di taddart, yettwabna ger 1979 d 1982 di tlemmast n taddart, isem-is : Ɛetman Ibn Ɛeffan.
Tafrayt n tejmaɛt n taddart 2011 ẓreg
Di tuber 2011, tella-d yiwwet n temlilit deg uɣerbaz amenzu i waken ad fernen tajmaɛt(Comité) tamynut i taddart. Tajmaɛt-agi tettewakellef i wakken ad d-tawi aṭṭas n isenfaren(Projets) i taddart, ger-asen : asufeɣ n waman ur nzeddig ara, asiweḍ n trisiti i ixxamen iḍeṛffen(Isolés), agudṛuni n iberdan, aɛiwed n tregwa...
Addal ẓreg
Tala Ɛetman tesɛa yiwet n tidukla n waddal (Association Sportive) i wumi ssawalen USTA Union Sportive de Tala Athmane, i yesɛan deg teqecwalt-is aṭṭas n waddalen : Dabex n uḍar, Lekarati akked Lkik-buksing.