Tawinest

Deg tenzeggit. Tawinest d talɣa tanzeggant tamasbaṭ. Tettwassen d akken-itt d adeg anzeggan i wagazen i d-izgan ɣef wegni yerna teggug s wuggug imbeddi seg kra n wagaz. Tagrawt-a n wazagen ur nettfakka tettusemma s tseɣleyt n twinest, agaz imbeddi yettusemma ammas, ma d amaccaq seg yal agaz deg tseɣleyt ɣer wammas d aqqaṛ. Dɣa akdu d aftus i d-ittekken seg wammas n twinest yerna tessawaṭ gar n sin n wagazen deg tseɣleyt.

Tawinest
Amessaneɣlan n twinest, issegzay-d ajdu d waqqaṛ n wẓi.
Iri d yisek	Yiwen n yiri
Tajumma	k qṛ2 neɣ $\pi r^{2}$
Aẓi	2 k qṛ neɣ $2\pi r$
Tiɣmert tagensant (Taseddaṛt)	war tiɣemrin.
Iylanen	tameknut.

Tawinest tettusesmel d akken-itt d aglay umi zlan (ṛuḥen) wadiken-is deg yiwen n wagaz neɣ deg uzmig war awlelles. Ɣef wanecta, tawinest tla azmig i d-uttmagen s usrag n unegzum n ukaswar yakk d weswir yemsidɣen d uzadur-is. Tawinest tettwassen daɣen d ageddis alugan imifed n igeddisen.

Irmawen igejdanen

Tawinest anta ammas-is d agaz tettwazmel $O$ ma d aqqaṛ-is $r$ deg tusnakt s: «$C(O,r)$» d«$\odot C$» neɣ daqes s webdar n «twinest $O$» i wzullen ɣures..

Tafelwit n yirmawen igejdanen n twinest

Irem	Asenmel	Asezmel	Tamawt
Ammas	D azag usbiṭ yaggugen s yiwen n umaccaq ɣef wazagen yakk i d-izgan deg waẓi.	$O$ neɣ $M$
Aẓi	Akala n wadeg anzeggan i wagaz ambawal deg weswir yaggugen s waggug usbiṭ ɣef wammas.	$C_{O}$
Tajumma	Tama n tiggi i d-izgan s agenzu n waẓi n twinest.	$A$
Aqqaṛ	D ibṭi yessawaṭen gar n wammas d yal agaz i d-izgan deg waẓi.	$r$
Amrar	D tagezzumt tufriɣt yessawaṭen gar n sin n wazagen deg waẓi n twinest.
Akdu	D amrar i d-ikkan seg wammas n twinest.	$d$

Tafelwit n yirmawen n tgezzumin d tfersiwin n twinest

Amur	Asenmel	Azamul	Tugna
Taganza	D amur uqqin seg waẓi n twinest.	︵
Agzum	D Tajumma i d-izgan gar n sin n waqqaṛen d tgenzi yessawaṭen gar-asen.	⌔
Aftus	D Tajumma i d-izgan gar n umrar n tgenzi i d-tikemnen.	⌓
Agra	D tajumma tkemn-itt twinest
Azen-agra	D tajumma i d-izgan gar n wekdu d tgenzi i d-ttikemnen.