Tiwsatin n yimḍanen

Imḍanen zemren ad ttwasmeslen s wamek ttwagensasen neɣ s tɣariwin ay sɛan.

Imḍanen igmawiyen (ℕ): Imḍanen n usiḍen {1, 2, 3, ...} ttusemmayen imḍanen igmawiyen, meɛena tibuda-nniḍen rennunt 0, ihi imḍanen ummiden aruzdiren ttuneḥsaben d imḍanen igmawiyen. Imḍanen igmawiyen ur llin ara deg-sen yimḍanen uzdiren wala tirẓiwin, tikwal imḍanen igmawiyen i isɛan ẓiru ttusemmayen imḍanen ukmilen.
Imḍanen ummiden (ℤ): D imḍanen igmawiyen yerna imḍanen uzdiren akked ẓiru: {..., −3, −2, −1, 0, 1, 2, 3, ...}.
Imḍanen imeɣẓanen (ℚ): D imḍanen i izemren ad ttwagensen s tirẓi mm ubeṭṭay ur yegdi ara ẓiru. Imḍanen ummiden akk d imḍanen imeɣẓanen meɛna imḍanen imeɣẓanen mačči akk d imḍanen ummiden, am (−2/9).

Imḍanen ilawen (ℝ): D imḍanen i yemṣadan akked yizirig n yimḍanen, ittusemma imḍanen ilawen akk d tineqqiḍin n yizirig n yimḍanen, deg-sen igrawen akk iεeddan meɛna nrennu-asen aẓar uzmir-"n" n uferdis. "N ⊂ Z ⊂ Q ⊂ R". (md:√a d a ∈ Q yeɛna: √a ∈ R) meɛna √a ∉ Q.

Imḍanen isemlalen (ℂ): D imḍanen i yesɛan deg-sen imḍanen ilawen, isugnanen, akked tmerna d tmeẓliwin n yimḍanen ilawen d yisugnanen. Yezmer ad yettwaru wemḍan asugnan s talɣa-a "Z=X+(i)Y" (x,y) ∈ R².