Tuddsa n temsisit n ugafa anaṭlas

Tuddsa n temsisit n ugafa anaṭlas (S Tegnizt: North Atlantic Treaty Organization, s usegzel NATO), (s Tefransist: Organisation du Traité de I'Atlantique Nord, s usegzel: OTNA) d tuddsa taserdast tagreɣlant i d-yennulfan deg useggas n 1949 s usizder ɣef umtawa n ugafa n unaṭlas yettuzemlen (yettustenyan) deg Washington DC deg wass n 4 yebrir 1949 .[1][2]. NATO yessisliɣ-d anagraw amastan amazday anda ttemsisint deg-s tmura neɣ iwunak igmamen ɣef westan amilal i turrit n yal anṭag ad yekken seg kra n ugmam uffiɣ. 3 seg yigmamen n NATO (Marikan, Fṛansa, Tagelda Yeddukklen) gan d igmamen imeɣlalen deg Useqqamu n Tɣellist n Yeɣlanen Yeddukklen yerna ttfaṛasen s wezref n Veto. Dɣa timura ayyi d tid ilan (yesɛan) imrigen iɣisanen. Asutel n NATO yezga-d deg temdint n Brussel (tamenrut n Biljik). Ma d Asutel n temhalin n NATO yezga-d zdat n Mons, Biljik

Tamsist n NATO iga amsisi aserdas agreɣlan deg-s 30 n iwunak d Igmamen deg yakk Uruppa d Temrikt tagafant. Akken ittekkayen 21 n Iwunak niden deg wahil n timttekkit i lment n telwit yeṭṭafaren amsisi n NATO. Yakk d temttekkit n 15 n iwunak niden deg wahil n udewenni agraklan

Amsisi n NATO yella u zeddiɣ (w mazal-it) ur yugar ara d akken-it d tuddsa tasertayt alammi id yekker umsenɣi n Kurya ayen yessulin amdan n yigmamen deg tuddsa. Anda imsenɣi ayyi issengugi igmamen iẓaranen n NATO u yegla-d s tmuski n tɣessa tasertayt tummidt s ddaw n temdayt (leɛnaya) n sin n imenharen n Marikan. Akala n umsenɣi asemmaṭ yewwi ar uwsizwer (amḥizwer) yakk d yeɣlanen n werkawel n Warsaw i d-yennulfan deg 1955 anect-a d ayen i d-yessekren turdiwin (ccekuk) ɣef tdusi n wassaɣen gar n tmura n Uruppa d Iwunak Yeddukklen n Temrikt ar tama n turdiwin ɣef tesfelsant n westan n NATO mgal tuṭṭfa n Tiddukla n Suvyit. Ayen i d-yeglan s usnefli n uskuker aɣisan afrensaw asiman d tuffɣa-ynes (Fṛansa) seg tɣessa taserdast n NATO deg useggas n 1966 i tenzagt n 30 iseggasen. Seld n uɣelluy n weɣṛab n Berlin di Lalman deg useggas n 1989 NATO yettekka deg wefsay n Yuguslavya akken i d-tegra inekcumen-is iserdasen deg tmurt n Busnya seg 1992 ar 1995, sin akin tettekka di teyyita n Yuguslavya deg useggas n 1999

Seg tama tasertayt. amsisi n NATO yurem (yeɛreḍ) ad yesselhu issaɣen-is d iwunak yellan d igmamen deg werkawel n Warsaw zik-nni anda aṭas deg-sen kecmen ar tuddsa ayyi gar iseggasen n 1999 d 2004. Akken i yettusemres s tuddsa (s umagrad uṭṭun 5 n umtawa n ugafa anaṭlas) yessuteren seg iwunak igmamen i wakken ad talel yal awanak agmam yeɣli-d fell-as wenṭag i tikkelt tamezwarut d temyiwent seld n tiytiwin n 11 ctember 2001,[3] sin akin ttwafesren-tt tdusiyin di Afɣanistan s ddaw n tnehrawt n ISAF yeṭṭafaren NATO. Akken i terna teddem tagrawt n temlilin nniden seg yimir-nni am tuzna n isleɣmayen ar Yirak d tallalt deg temhalt n umennuɣ mgal iflisen
Deg useggas n 2011, Tuddsa n NATO tqelled-d Tama n tegdelt agennaw deg tegnawin n Libya

AmezruyẒreg

Timhalin tisardasaninẒreg

TamuskiẒreg

Ẓeṛ daɣenẒreg

  1. Empty citation (help)Asutel n NATO, Bruxel, Biljik. 26 mayu 2017.
  2. Empty citation (help)
  3. Empty citation (help)tuddsa n temsisit n ugafa anaṭlas.