Telɣuɣa n umaḍal n irgazen n tcirfust 2021

Talɣa:Infobox Compétition sportive Telɣuɣa n umaḍal n irgazen n tcirfust 2021 Taẓrigt-a tis 27 d tin aydeg ara ttekkint aṭas n tmura tuẓwirin, gar-asent Danmaṛk, yellan d talɣuɣt n umaḍal deg telɣuɣa taneggarut, Fṛansa ay irebḥen talɣuɣa-a sḍiset n tikkal, Spenyul, Kṛuwatya, Lalman, Nuṛwij, Sswid d Pulunya. Timura-a ay yennummen rebbḥent ad qablent daɣ ifnaten d uẓwiren am Brizil, Rrus, Island, Majaṛ d Maṣer.

Danmaṛk, ay irebḥen talɣuɣa n 2019 deffir 81 n yiseggasen n tmeṛjiwt, ad tettekki deg Tegrawt D, yernu ifnaten-nnes, mer dani, ad ilin fessusit fell-as imi ara turar mgal Teṛjentint, Beḥṛin d Tegduda Tamegdayt n Kungu.

D acu kan, tagrawt ara d-ijebden lwelha d Tagrawt B umi semman yimazzagen « tagrawt n tmettant », d tin aydeg llant tmura tuẓwirin n Spenyul, Pulunya, Tunes d Brizil.

Lalman, ay irebḥen talɣuɣa kraḍt n tikkal, teɣli-d deg Tegrawt A anda ara tezmer ad ternu Majaṛ, Uruguay d Yiɣef Azegzaw.

Kṛuwatya, ay irebḥen talɣuɣa n umaḍal n 2003 deg Puṛtugal, ad tqabel kraḍt n tefnatin ur fessusen ara yernu ti d Qaṭar, Japun d Angula.

Fṛansa d nettat ay d tamurt ay irebḥen aṭas akk n tikkal talɣuɣa n umaḍal (6 n tikkal), maca tfuk d tis kraḍt deg teẓrigt n 2019. Deg tegrawt-nnes, ala Nuṛwij d Tutrict ay izemren ad as-ilint weɛṛent cwiṭ.

Timura yellan deg tuzzya tinezwert n takkayt tagarant:

Tagrawt A: Lalman, Majaṛ, Uruguay, Iɣef Azegzaw

Tagrawt B: Spenyul, Tunes, Brizil, Pulunya

Tagrawt C: Kṛuwatya, Qaṭar, Japun, Angula

Tagrawt D: Danmaṛk, Taṛjentint, Beḥṛin, Tagduda Tamegdayt n Kungu

Tagrawt E: Nuṛwij, Tutrict, Fṛansa, Iwanaken Yeddukklen

Tagrawt F: Puṛtugal, Lezzayer, Island, Meṛṛuk

Tagrawt G: Sswid, Maṣer, Tagduda Tačikit, Cili

Tagrawt H: Sluvinya, Byilurusya, Kurya n Unẓul, Rrus