Imaziɣen : Tameẓla gar ileqman

'''Imaziɣen''' d imezdaɣen ineṣliyen deg [[Tafriqt ugafa|tefriqt ugafa]], d nitni ay d amur ameqran deg yimezdaɣen n [[Tamazɣa|Tmazɣa]], tutlayt-nsen d [[Tamaziɣt|tamaziɣt]], xas ma yella aṭas deg-sen ass-a la ttmeslayen [[Taɛrabt|taɛrabt]].

Imaziɣen ḥerren-d akal d ameqran, yewwet seg wemda n [[Siwa|Siwa]], deg Utaram (lɣerb) n [[Maṣer|Maṣer]] alamma alamma d Targa Zewwaɣen d [[Muriṭanya|Muriṭanya]], ɣef yiri n ugaraw Aṭlasi. Yuɣ lḥal, d Imaziɣen ay d agdud n Tefriqt awḥid ay d-iḥerren anect-agi n wakal, imi amur ameqran deg yegduden ifriqiyen nniḍen, tikwal sɛan kan akal d amecṭuḥ, tikwal bitt, cerken-t akk d yegduden nniḍen. Imaziɣen ttuneḥsaben d agdud n yiri (race) amellal, xas ma yella nettaf gar-asen aṭas n yimibriken d yiberkanen.

Aṭas n Yimaziɣen ay d-mazal la ttmeslayen [[Tamaziɣt|tamaziɣt]], yernu deg yiseggasen-agi ineggura, aṭas n trebbaɛ timaziɣin ay d-yennulfan i wakken ad wwtent u ad ḥerzent tutlayt-nsent. Xas ma yella tantalyin (dialectes) ay ttmeslayen Yimaziɣen mxallafent si tama ɣer tayeḍ, maca kkant-d akk seg yiwen n uẓar, seg yiwet n tutlayt, yernu yeshel ɣef waṭas n trebbaɛ timaziɣin ad msefhament wagar-asent s tutlayt-nsent, xas ma yella mxallafent tentalyin-nsent.

Imaziɣen mazal ṭṭfen deg waṭas n wansayen (lɛaddat), ladɣa wid yettidiren di Merruk akk d [[Uneẓruf|Uneẓruf]] (ṣṣeḥra), d acu kan, ass-a, aṭas n wansayen imaziɣen ay yellan ɣef yiri n nnger, la ten-ttaǧǧan medden yernu ur d asen-ttgen ara leqrar. Nnig waya, ula d tutlayt tamaziɣt la tettuɣal ɣer deffir deg waṭas n tmiwa n Tmazɣa, medden la tt-ttaǧǧan, ilmeẓyen ur a ttlemmden ara, dɣa yessefk ad yettwaxdem kra n leqdic s lḥir i lmend n ussukkes n tutlayt di tmiwa-ya.

== Wali ==

* [[Leqbayel|Leqbayel]]

* [[Imuhaɣ|Imuhaɣ]] (touareg)

== Tamselyut ==

* http://amastan1.tripod.com/ Sɣur Umar Muffuk

[[es:Pueblo bereberBereberes]]