|
#REDIRECT:[[Sɛid At Mɛemmer]]
'''Essaid At Maamar''' d yiwen umedyaz atrar, d amyaru azwaw i yettidiren di tmurt n Lalman. Yedder u yeqqim d azwaw n tidett.
Tamedyazt ines tgerrez aṭas, u nettaf deg isefra ines yakw ayen yaɛnan tazwawt; yewwi-d af ṭaqa n isental, ger wid yecqan tazwawt. Essaid At Maamar iseqdac tamedyazt-is s uzawan i wakken ad yejbed tamezzuɣt n win a s-id-iḥessen, ur llan ara aṭas i zemren ad xedmen akken. Taẓuri ines meqqret ama di tazwawt iquren i yettmeslay, ama deg umgarad n isental ɣef i d-ittawi deg isefra ines, ama d Tayri, Tawacult, Imdukal, Ineɣmasen d inaẓuren izwawen imucaɛen am [[Muḥend Arab Besaɛud]], [[Lunis At Mengellat]], [[Lwennas Meɛṭub]], Ɛli At Ferḥat ([[Ideflawen]])... atg. Aseḥrireb af tutlay [[tamaziɣt]] d tazwawt, i nettaf nezeh di tmedyazt-is.
Essaid At Maamar issufɣ-ed yiwen uḍebsi usid s w-azal-is, isem-yas : ''I kečč a Lunnas''. D tajjmilt i ucennay Lwennas Meɛṭub.
Daɣen Essaid At Maamar yettsuqul-ed si tutlayin tiwerdanin(tiberraniyin), ladɣa seg talmanit, imi yettidir di tmurt n Lalman. ɣef umedya, llant kra n tmucuha yettwasnen di tmurt aki, i yuran watmaten ''Grimm''. Yerra-tent-id ar tutlayt tazwawt, admega d [[Hänsel und Gretel|Hänsel akw d Gretel]], iwimi yefka ismawen izwawen: ''[[Ḥmiṭuc d Duduc]]'', ak d Aschenputtel neɣ ''[[Cendrillon]]'', iwimi isemma : ''[[M-iγiγden]]''. Essaid At Maamar, ula d netta yettaru timucuha s tazwawt. Ger tid i yettwasnen d ''Tiɣimit deg tiɣilt n wedrar''. Essaid At Maamar yettaru aṭas imagraden, isefra, akw d idrisen deg ismal uzeṭa n Internet, ladɣa deg asmel n tasekla : imyura.net. Atnan izwal n kra n tmucuha, tijmilin, idrisen akw d isefra n Essaid At Maamar :
:''Si yiwen ɣer mraw''
:''Amulli ameggaz''
:''I kečč a dda Muḥ''
:''M-iɣiɣden''
:''Ḥmiṭuc d Duduc deg teẓgi n ṭlam''
:''In-asen daɣen ayagi''
:''Tawenza yurǧan talalit''
:''I kečč ay Azwaw''
:''Ciao Bello Tiselgin''
:''Tiɣimit deg tiɣilt n wedrar''
== Walit daɣen ==
*[[Cendrillon]]
*[[Hänsel und Gretel]]
== Tamselyut, Iseddagen & Izdayen Iberraniyen ==
* [http://www.imyura.net http://www.imyura.net]
[[Taggayt:Tameddurt|At Maamar]]
[[Taggayt:Amaru|At Maamar]]
| 