Ziri ibn Mennad

Ziri ibn Mennad neɣ Ziri mmi-s n Mennad (yemmut deg 971) d win i d-yesnulfan adabu n Iziriden deg Tmazɣa. Yella d aqerru n wadrum n Takalata n tdukla n Ṣenhaǧa, anda llan Ikutamen deg Tmazɣa Talemmast deg wayen yellan d Lezzayer tura. Yella d amdakkel n Ifaṭimiyen, yefka-yasen afus deg uɣelluy n Abu Yazid gar 943 d 947. Ɣef waya, yuɣal d anbaḍ n twilayat n utaram, tamnaḍt i d-yezdin d Lezzayer n tura, nnig n Ṣeḥra.

Lebni n temdint n Acir

Deg useggas 935, yebna tamdint n Acir deg unẓul n wanda ara tili temdint n Lezzayer. Yessawel i yibennayen d yineccaben. Yeččur tamdint s yimusnawen, s yimzenzen d yimastanen. Yebda asuffeɣ n yidrimen d lexlaṣ n yiserdasen-is s yidrimen.

Mmi-s Buluɣin ibn Ziri yebna timdinin n Lezzayer, Mlyana d Lemdeyya. Yerna yebna-d tikelt nniḍen tudrin i yettwahudden.

Tuṭṭfa n Fas

Deg 959, Ziri yeṭṭef-d tamdint n Fas deg Merruk. Mi d-yuɣal seg umennuɣ, yewwi-d amir n Fas d "Lxalifa" Ibn Wasul n Sijilmasa d imeḥbas. Yessekna-ten i medden akken ad ten-yesseḥqer.

Lmut-is d wayen yeḍran seld-s

Ziri ibn Mennad yemmut deg umennuɣ mgal umḍebber n M'sila deg yunyu neɣ yulyu 971. Mmi-s Buluggin ibn Ziri ikemmel deg umkan-is am unbaḍ. Deg useggas 972, Buluɣin yuɣal d Anbaḍ n Ifriqya armi d aseggas 984, asmi Ifaṭimiyen wwin tanbaḍt-nsen ɣer Miṣra.