Aɣyul

Aɣyul d yiwen n uɣeṛsiw asuṭṭaḍ seg tewsit n uyis yeṭṭafaren twacult n igmariyen.

Aɣyul
Tasensartut
Asmil	Mammalia
Tafesna	Perissodactyla
Tawacult	Equidae
Taɣreft	Equini (fr)
Tawsit	Equus (fr)
talmest	Equus asinus Linnaeus, 1758
Isali amatan
Tadist	367,5 ass

Aɣyul d aɣersiw imkiri (yetturba deg wexxam), Maca tella telmest yettidiren deg wezɣar, Deg iɣezrawen d tniriwin n Asya d Tefriqt dɣa talmest-a d imisred.

Amawal

• Awtem: Aɣyul.
• Tawtemt: Taɣyult.
• Asget amalay: Iɣyal.
• Asget unti: Tiɣyal.
• Aɣyul ameẓyan: Ajḥiḥ.

Tidu-telmas yettwasnen n yiɣyal

Aṭas n TELMAS tisnalaɣanin (caractéristiques morphologiques) am uqaṛṛu, tamgeṛt akked iḍarren s yis-nt nezmer ad nẓeṛ tiwsatin yellan.

• Aɣyul amagnu: d aɣyul aqeddac i d-yekkan seg uɣyul azagir n Tefriqt, ass-a yettidir akk deg yimenẓawen yellan.
• Aɣyul azagir n Tefriqt: yettidir deg usamar, ladɣa deg tmurt n Ṣumal.
• Aɣyul azagir n Asya: yettidir deg Asya talemmast. Ccetla-agi deg-s i d-yedda uɣyul yettidiren deg tmurt n Lhend.
• Aɣyul azagir n Tibet neɣ Kiang: yettidir deg yidurar Himalaya.
• Aɣyul n Turuft, yettidir deg tmura n Turuft (Uṛup) n unẓul, yettidir daɣen deg tmura n ugmuḍ alemmas.
  

Iɣyal izagiren ass-agi ttwagzen s ngar, kra deg-sen ttwasigzen deg wumuɣ azeggaɣ n Tddukli Tagraɣlant n Useḥbiber ɣef Ugama (UICN : Union internationale pour la conservation de la nature).

• 
  Aɣyul amagnu
• 
  Aɣyul azagir n Tefriqt
• 
  Aɣyul azagir n Asya
• 
  Aɣyul azagir n Tibet
• 
  Aɣyul n Turuft

Tizmilin d temselɣa

Taɣbalut

• Farissier, Serge (2007). L'âne (in Tafransist). Editions Artemis.