Adrar n Babuṛ
Adrar n Babuṛ neɣ Babuṛ ameqran d yiwen n wedrar i d-yezgan deg ugezdu n Sṭif deg usamer afellay n Tmurt n Yiqbayliyen, yeṭṭafar azrar n idurar n ibaburen. Yeflal (ɛlay) ɣef weswir n yilel s wazal n 2004 m, akken yaggug (yebɛed) ɣef yilel agrakal s wazal n 15 km.
| Adrar n Babuṛ | |
|---|---|
| Isalan imatuyen | |
| Talayt sufel n weswir n yilel | 2 004 m |
| Tarakalt | |
 | |
| anagraw amsideg araklan | 36°30′N 5°30′E / 36.5°N 5.5°ECoordinates: 36°30′N 5°30′E / 36.5°N 5.5°E |
| d amur seg | Ibaburen |
| Azrar n idurar | Idurar n waṭlas |
| Tamurt | Lezzayer d Fransa |
| Tama | Tadayra n Babur |
Llant snat n turdiwin i d-igellmen aẓaṛ n wawal n Babuṛ:
- Tamezwarut d tin i d-iqqaren d akken isem-is yekka-d si talɣa n wedrar-a, d tin yettemcabin aɣerrabu (ababuṛ).
- Tarda tis snat, d tin i d-iqqaren d akken irem-a d uddis seg sin n wawalen imaziɣen Bab yakked Ur (Bab n yizem). Acku zik-nni llan ttidiren yismawen s tuget deg wedrar-a yakk d tamiwin i d-yezzin.
Adrar n Babuṛ d adeg anda i d-ttemɣayent tẓegwa n yidgel anaṭlas d tumert. Akken i d-tella usnirem n wegṭiṭ n uṭeggal azegzaw sɣur umusnaw n Biljik Jean-Paul Lidant deg wass n 5 tuber 1975.
Anezwu
ẓregAnezwu n wedrar n Babuṛ d win isemmṭen s waṭas, deg umwan d tegrest itteɣlay-d fellas wedfel d wegris s tuget, Tifesniwin n teẓɣelt d tid izemren ad yadren alamma d -20°. Ma deg unebdu yettili d amnummsan, anda tifesniwin drus kan ittawaṭent ɣer 30°.