Awras d tama n yidurar i d-yezgan deg ugafa-agmuḍan (nord-est) n tmurt n Ldzayer (gar twilayin n Tbatent, Tixencelt, Um Lebwaqi, Suq Ahras, Tbesset ed Tbeskert. Adrar aɛlayan akk deg Wewras d taqacuct n Celyet ay yesɛan 2.326 n lmitrat. Idraren n Wewras kkan fell-asen yiɣezran d ilqayanen (am Iɣzer Amellal ed Iɣzer n Lɛebdi), am wakken ay llan deg-sen yicerfan d imeqranen am wid n Lqenṭra ay yellan seg zik d abrid gar ugafa (nord) ed uneẓruf (ṣṣeḥra) n Ldzayer.

Awras
Hammam Essalhine Aquae Flaviane Khenchela Mont View 2.jpg
Isalan imatuyen
Agaz yeflalen Djebel Chélia (fr) Suqel
Talayt sufel n weswir n yilel 2 328 m
Teɣzi 200 km
Tehri 90 km
Tarakalt
anagraw amsideg araklan 35°19′05″N 6°38′13″E / 35.3181°N 6.6369°E / 35.3181; 6.6369Coordinates: 35°19′05″N 6°38′13″E / 35.3181°N 6.6369°E / 35.3181; 6.6369
Azrar n idurar Atlas saharien (fr) Suqel
Tamurt Lezzayer
Tama Batna, Tawilayt n Tbessa, Tawilayt n Txencelt, Tawilayt n Um Lebwaqi, Tawilayt n Suq Ahṛas d Tawilayt n Tbeskert
Geology
Tinegwa tigejdanin azṛu asefludem
Tallit tasnaklant Crétacé (fr) Suqel

AmerzuyẒreg

Imezdaɣ n Wewras d Icawiyen, d tagrawt n Yimaziɣen ay mazal ssawalen iles amaziɣ (tacawit). Zik, d taqbilt tamaziɣt n Yeẓnagen ay izedɣen idraren-a, yerna nnuɣen s teqseḥ akked Rruman akken ur ten-ttajjan ad d-kecmen akal-nsen. D acu kan, Ṛṛuman ssawḍen ad bnun snat temdinin timeqranin deg Wewras: Timgad ed Taẓult.

Deg tallit n Yiwendalen, Imaziɣen n Wewras nnuɣen daɣen akken ad ḥudden akal-nsen. Deg lqern wis 8, tagellidt tamaziɣt Dihya (ay yellan, ahat, tettḍafar asɣan uday), tennuɣ ed Yinselmen. Deg lqern wis 11, asmi ay d-uwḍen Waɛraben imessukal n Banu Hilal (ay yeddren ɣef tlisa n wenẓul [sud] n Wewras), snernan azraɛ n taɛrabt deg tama-a, dɣa d aya ay yejjan aṭas n Yimaziɣen ad walin iman-nsen ula d nitni d Aɛraben.

Amezruy AtrarẒreg

Deg tallit n wemgaru n Ldzayer (1954-1962), tama n Wewras d tin aydeg d-yella yimenɣi d ameqran aṭas gar yemjuhad idzayriyen ed yiɣallen ifrensisen.

TadamsaẒreg

Tama n Wewras d tin aydeg terbeḥ tfellaḥt n yirden ed temẓin, yerna imesdurar n tama-a sfulluḥen daɣen isekla n yigumma (arbres fruitiers). Ma d timiwa n wenẓul n Wewras, d tikiwanin aṭas yerna imezdaɣen-nsent ddren s tkessawt n tɣeḍḍen ed wakraren.