Emma n Saɛid U Muḥemmed

Emma n Saɛid U Muḥemmed s yisem n tmedyazt-ines Ɛayca , d tamedyazt yernu d tacennayt tafransist , tlul deg wass n 10 duǧember 1876 deg Fransa , temmut deg wass n 18 yulyu 1930 deg Paris . D jida-s n tcennayt yettwassnen Édith Piaf sɣur yemma-s .

Yezmer d Ɛayca id-yettwasugnen deg unnuɣ-agi n la danseuse mauresque ( taceṭṭaḥt tamuriskit ) sɣur yimsunneuɣ afransis Henri de Toulouse-Lautrec .

Tameddurt

Emma n Saɛid U Muḥemmed tlul deg 1876, tufa-d imawlan-is d ixeddamen di ssirk , baba-s Saɛid U Muḥemmed (1827-1890) yella d akrubati (abahelwan) i yxeddmen deg sirk, ilul deg Mugadur di tmurt n Lmerruk (ideg llan ttidiren yiminigen id-yusan seg tmurt n Leqbayel deg Lezzayer). Imussnawen n umezruy ɛewqen deg yiẓuran-is kra qqaren-d belli d amaziɣ n Lmerruk wiyaḍ qqaren-d belli di Lmerruk kan i ylul maca d aqbayli (d amaziɣ si tmurt n Leqbayel id-yezgan deg Lezzayer),kra ttnaɣen ɣef talɣent-is tamerrukit wiyaḍ ɣef tezzayrit-is .Yemma-s d  Marguerite Bracco(1830-1898), tlul di Ṭṭelyan, ula d nettat d tabahlewanit .Saɛid U Muḥemmed d Marguerite Bracco zewǧen deg useggas n 1853, Marguerite tesɛa kraḍ n yessetma-s, snat seg-sent uɣen-t ibehlwaniyen imeṛṛukiyen d Anne akked Marie Elisabeth .

Ass mi meqqret Emma, tezweǧ d yiwen qqaren-as Eugène Maillard deg useggas n 1894, mi tella txeddemdi ssirk deg tmurt n Ṭṭelyan, aseggas umbeɛd deg useggas n 1895 sɛan-d taqcict isem-is Annetta Maillard, d tin ara yuɣalen tacennayt yettwassnen s yisem n Line Marsa, d nettat ara d-yesɛun umbeɛd Édith Piaf.

Deg yiseggasen n 1910, tedder Emma deg tmanaɣt n Fransa Paris, teǧǧa-as-d yelli-s Annetta i yellan d tigellilt, txuṣṣ-itt tezmert i usuṭeḍ yernu tḥemmel argaz nniḍen, yelli-s Édith Gassion ara yuɣalen umbeɛd d Piaf akken ad as-tt-id-rebbi, assmi id-yelḥeq wass n ubellez-ines d Emma "i ylulen s uɣara n Saɛid" i yellan d taɛerrabt-ines (d nettat itt-yuwin deg tcariḍt ɣer ubaṣan n ubellez akken id-yeqqar usɣan n tmasiḥit takatulikit) .Zgan qqaren-d ɣef Emma belli tella d tasejranit, leɛmer id-cleɛ akk deg yelli-s n yelli-s, ur tecliɛ ara deg tezdeg-ines tegra-d am netytat am yelli-s n yelli-s d tilexxaxin, tedder Édith deg lmizirya-agi i 18 n wayyuren imezzwura n tudert-is, uqbel ad tettunnefk i jida-s si baba-s i yellan d tanemhalt n uxxam n zzna ideg xeddmen tacmatt deg temnaḍt n Normandie .

Yemmut urgaz n Emma  Eugène Maillard deg 1912. Tɛawed zzwaǧ deg useggas n 1923 akked yiwen n useḍḍal qqaren-as Adolphe Louis Cornu (1867-1837).

Deg tazzwara n yiseggasen n 1920, tufa-d iman-is meqqret ur tezmir ara ad tecnu akken tella zik imi imesli-ines yettuɣal d amɣar, ɣef waya tuɣal d taqeddact i yxeddmen deg useyyeq, d tasekranit yernu d takeyyafit, temmut deg yulyu n useggas n 1930 s waṭan n la Tuberculose.