Gurzil

Gurzil,Agurzil (s Tifinaɣ ⴰⴳⵓⵔⵣⵉⵍ ) d illu n rrɛud d nnfaq deg wajjed amaziɣ aqbur , azamul-is d aqerru n uzgar . Ilul-d am mmi-s n yillu Amun d yiwet n tfunast , ɣef way-a i d illu yegan am uzgar .

Gurzil
Illu seg wajjed amaziɣ aqbur
Tiggin
Leqdic	D Illu n nnfaq d lmut d rrɛud
Adeg iseg id-yekka	Libya taqburt
azemz n tallit	Send talalit
Yettemcabi-as deg wajjden nniden	Aris
Ttamnen yis deg	Libya taqburt
tawacult
ababat	Amun

amzruy

Illu Gurzil d illu n udrum amaziɣ n Yilwaten sxedment deg yimenɣi-nsen mgal ucengu abizenṭi deg tasut tis vie . Deg wakud i deg ibeddu yimenɣi , reffden ilewaten azger yettaran udem-is ɣer tnila n yiɛdawen-nsen , wagi d asugen i yillu Gurzil . deg tasut tis vie ,yura-d umedyaz abizenṭi kurib belli yerna -aɣella n yilewwaten -yessexdeem Gurzil deg yimenɣi-ines mgal yibizenṭiyen, yerna daɣen d agerram n yillu " Gurzil mmi-s n Amun " .xedmen yilwaten isebdaden meqqren s wuzzal d usɣaṛ i yillu Gurzil . deg yimenɣiyen irulmaniye-ibizenṭiyen d yimaziɣen yenna-d Kurib belli , Yerna , agerram ameqqran n yimaziɣen d ugellid-nsen yettserriḥ i yiwen uzeggar yettwaǧǧan kan i yirumaniyen . Iserdasen n snat n tmura wehmen deg yisuɣan d leɛbada n yillu-agi , imaziɣen yellan s ddaw n leɛnaya n Antalas ssawalen i Yillu Gurzil ma d irumaniyen llan ttẓallan seg yidis-nniḍen akka : " Ad yeddu umeɣlal ( lmasiḥ) , yid-k ad yefk afud i yiserdasen-ik a Justinyan , s tezmert-is . A yababat yelhan aṭas , seḥbiber ɣef udabu n umenkad-nneɣ " mi fukken wid yesɛan tiflicin ttmiwaten gar-asen wa ijerreḥ wayeḍ .

Mi yexseṛ dayen deg 547 , Yerna yerwel d tuggna iqeddsen n Gurzil , maca yettwaṭṭef sɣur yibizenṭiyen , ma d tugna tettwarẓa .

Ɣer yiyustriyen , aɣella ilaq ad yeṭṭef daɣen adeg n umunak ( agerram ) n yillu Gurzil , i yellan d illu agejdan .

Yezmer akken cwiya tessexdem tgellidt tamaziɣt Dihya asebded n Gurzil deg yimenɣi-ines akked yinselmen .

Aẓekka , id-ufan gar wayen id-yeggran seg Girza , deg Libya , balak tettunefka i Gurzil , yezmer isem n temdint s timmad-is yesɛa assaɣ d yisem-is netta .

Ssawalen-as daɣen i yillu gurzil " Jubiter n yimaziɣen " .

Kurib yefka-as i yillu n yimaziɣen aṭas n talɣiwin akka am Sinefre , Jubiter-Amun d Gurzil

Ufan-d tira deg useggas n 1864 deg Lebda di Libya tesɛa isem n Gurzil . wagi yezwar-d isem n saturn d ayen id-yemmalen azal ameqqran i yella yesɛa-t yillu-agi Gurzil , deg tidmi n yimaziɣen n zik .