Lla Ḥnifa

Lla Ḥnifa
Tameddurt
Talalit	Tizi Wezzu, 4 Yebrir 1924
Taɣlent	Lezzayer; Fransa
Lmut	Fransa, 23 Duǧember 1981
Tiɣri
Tutlayin	Taqbaylit
Amahil
Amahil	acennay d amaru
Dduzan n lmusiqa	taɣect

Lla Ḥnifa, isem-ines unṣib d Iɣil Larbɛa Zubida. Semman-as ar Ḥnifa, weltma-s n Lla Lǧida Tamuqrant, iy ccnan cwiṭ deg iseggassen n 40.

Tuderrt-is

Tluled deg tama n Yiɣil Mhenni ( Aẓeffun) deg usegwas n 1924. Tawacult-is truḥ ar Lzzayer am waṭṭas n twacculin tiqbayliyen n yimiren iwakken ad affen aɣrum d uxedim.

Asmi yebda traḍ urumi d uliman (2WW), tawaccult Iɣil Larbɛa tuɣaled ar Tmurt n Leqbayel.

Deg usegwas n 1957, lla Ḥnifa tunag ar Fransa am waṭṭas n Inaẓuren di lawan nni. Mid tewwed ar Paris, tebda tamɛccit waɛen macci drus, tamɛccit n waccu id yefka wass yeccat yid.

Deg usegwas n 1957, lla Ḥnifa temllal d Kamal Ḥemadi, yettnadin ɣaf ṣṣut n tmeṭṭut ara yeccnun yides taɣect "Yidem yidem". Dɣa yuffa Ḥnifa.

Asmi yekfa traḍ n timunent, tuɣaled Lla Ḥnifa ar wakal n tmurt. Teccna cwit di Lezzayer, tetteki deg tmeɣriwin, teccna di "Nnuba Lxalat".

Deg usegwas n 1973, lla Ḥnifa tuɣal tuɣalin taneggarut ar Fransa, anda temmut deg usegwas n 81.

Abrid-is di ccna

Abrid-is di ccna yebda deg temzi-s asmi tella di taddart. Ulac tameɣra anda ur tettɣni ara, anda ur teɛmir-ara urar.

Asmi id uɣal ar Lzzayer deg usegwas n 1951, temllal ak d Lla Yamina, d nettat i-tt yewwin alami d radyu, anda tetteki di tedwilt " Urar lxalat" ar tama n Lla Zina, Lla Cṛifa, Lla Yamina, Lla Lǧida Tamuqrant.

Imiren daɣen i tebda ccna akw d l'orchestre n Ccix Nurdin, ukud teccna kra n tezlatin am tinna " Lḥeǧla Ilili".

Tizlatin-is

- A gma texdaɛdiyi

- Siwla-s i Wrida

- A zhar-iw anda tenzid

- A rebbi farreǧ

- Ayen ɛcra snin

- Ay aqcic sers tabalizt

- Ay amitru

- d ṛṛay-iw

- A sidi Aberḥeman

- Aytma lfiraq yuɛar

- Lukkan macci d keccini

- Aḥya Mali

- Debber tura

- Iffuk Laman

- Tawerdett

- Ccaḥ deg ṛṛay-iw amccum

- Yestma

- Ay Afrux

- A yelli a yelli

- A Talimantt

- Wuffan zḥar-is d saɛa

- A zhar-iw a bu tsuqas

- Aḥku-yid

- Agma aḥmam

- Ay Adrar

- A tibratin

- Akka macci akka

Tizlit

Alala, alala,

Tura d nnuba n lxalat,

Alala, alala,

Tura d urar n lxalat,

Ay abrid n Sidi Ɛic,

Yelha i rrekba ukamyun,

A taqareɛtt n ṛṛiḥa,

Id yeddan daxel n uqelmum,

Saḥit a bab n tmeɣra,

Iweqmen urar i wedrum,

Ay abrid n Sidi Ɛic,

Yelha i rrekba u taxi,

A taqereɛtt n ṛṛiḥa,

Id yeddan daxel Ibidi,

Saḥit a bab n tmeɣra,

Iweqmen urar i lɣacci,

Ay abrid iɛzzugen,

Yelha i rrekba iɛudiwen,

Ay abrid iɛzzugen,

Yelha i rrekba iɛudiwen,

Ssahit a bab n tmeɣra,

Tameɣra s ideballen,