Masiba II

Masiba neɣ Masiba II d ageldun anumidi amaziɣ , i udgin alluy n ugellid Yugurten ɣef unbaḍ n tgelda n Numidya , di taggara yenɣa Bumlikar.

Isem-is

Llan sin n yigeldunen deg umezruy n twacult n Wat Ilas , Masiba I , mačči d ageldun-agi nneɣ d Masiaba II wagi d ageldun i ɣef id-nettmeslay . Masiba I yessen agellid Masensen di temẓi-s , Masiba II yelḥeq-d taggara ( neɣ ahat ula d tinna ur tt-yelḥiq ara ) n Masensen .

Tudert-is

izuṛan-ines

D mmi-s n ugeldun ( agellid ardekal ) Gulusa , Gulusa d mmi-s n Masensen , ihi wagi d ageldun mmi-s n ugellid Gulussa n Masensen n Gaya n Zilalsen . Iban belli wagi d mmi-s n temyercalt n ugellid Gulusa , imi lukan yelli d mmi-s n taklit akka am ugellid Yugurten tili ur yettnadi ara izerfan-is deg tgelda tili ad yeli akka am ugeldun Masgab .

Tazɣent gar Himṣal , Aderbaɛl akked Yugurten .

Mi akken yettmettat ugellid Makawsen yejmeɛ-d Yugurten , Himṣal , aderbaɛl d Masiba deg teɣremt-is , akken ad yegḥbes tazɣent gar-asen , yerra-ten akk d arraw-is , ihi Masiba yuɣal ula d netta d mmi-s n ugellid , maca ɣas akken , tkemmel tezɣent-agi . masiba yella yebɣa ad yeṭṭef aḥric seg tgelda i yiman-is , ihi yerra ɣer yidis n Himṣal d Aderbaɛl i yessawlen i ufraq n unbaḍ , maca yugurten yezga yettagi , di taggara , mmsefhamen ad kksen yal awal id-yekkan seg ugellid Makawsen deg wussan-is ineggura , gar-asen mi ten-yerra d arraw-is , ihi Massiba yuɣal d mmi-s n Gulusa kan , tettwafreq tgelda i sin n yiḥricen , aḥric i Yugurten wayeḍ i Himṣal d Aderbaɛl , ur d-yebdir ara umezruy d acu i yeṭṭef Masiba , maca iban yella yesɛa aḥric ɣer tama n Himṣal d Aderbaɛl , ur s-yeɛǧib ara umur-is i yugurten dɣa yekcem win n warraw n ɛemmi-s yekcem ula d ɣer Sirta yenɣa Aderbaɛl , yerna yenɣa Bumilkar Himṣal mi t-id yufa yeffer deg texxamt n yiwet n tqeddact , imiren yerwel Masiba yerra ɣer yirumaniyen .

imenɣi deg usqamu n yirumaniyen d lmut-is

Yessaweḍ Masiba Yugurten ɣer yirumaniyen imi yexdem ayen ur ilaqen ara , maca yugurten yezga yessusum irgazen n usqamu imi nutni qebblen rrecwa am wulac , maca Masiba yegmen ad yaweḍ ɣer wayen meqqren , anda ur yettizmir ara Yugurten ad yeɣleq iqemmac n yineɣrafen , ihi iceyyeɛ-d Yugurten aqeddac-is bumilkar i as-yekksen tarwiḥt , deg wass i deg ilaq ad d-bedden sdat n usqamu n yirumaniyen ufan-d masiba yemmut , faqen d lexdaem n Bumilkar .

Ardekal lmut-is

Llan yirumaniyen gemnen ad d-sbedden Bumilkar sdat-nsen deg uxxam n teɣdemt , maca uqbel ad ibedd ad bdun anadi ɣef win i t-yenɣan , yelḥeq Yugurten ad yesserwel aqeddac-is ɣer tefriqt .

Anamek n yisem

isem agi d isem amaiɣ alibi yewɛer ad naf aamek-is , aẓar n yisem MSWi yella deg waṭas n tira ahat yesɛa assaɣ d yismawen ibedddun Mass ( akka am Masensen ,  Mazuka , Mazisil ... ) ur neẓri ma d yiwern n unamek akked yisem "Mazippa " d isem n ugrawliw Mazibba ur nettwassen ara aṭas .