Taseɛdit Yasin
Taseɛdit Yasin neɣ Taseɛdit Yasin-Tituḥ d tamusnamdant (anthropologue) tazayrit seg Tmurt n Leqbayel, teqdec aṭas ɣef yedles akk d tsekla tamaziɣt u temɛawan d waṭas n imdanen iqedcen ɣef tmaziɣt. Taseɛdit tejmeɛ-d aṭas n yeḍrisen n tsekla timawit tamaziɣt n Tmurt n Leqbayel am akken tezrew (étudier) u tesleḍ (analyser) iḍrisen niḍen. Tessuffeɣ aṭas n yedlisen ama ɣef tsekla tamaziɣt neɣ ɣef tmetti n Yimaziɣen. Deg yedlisen-is, tessuqul-d (tesṭerjim-d) iḍrisen imaziɣen ɣer tefransist.
 Taseɛdit Yasin | |
|---|---|
 | |
| Tameddurt | |
| Talalit | Buǧelil, 14 Wamber 1949 (74 n yiseggasen) |
| Taɣlent | Lezzayer |
| Tiɣri | |
| Alma mater |
université d'Alger (fr)  université Paris-I-Panthéon-Sorbonne (fr) |
| Thesis director | Muhammed Arkoun$ |
| Tutlayin |
Tafransist Taspenyult Taqbaylit Taɛrabt |
| Amahil | |
| Amahil |
amusnaw n leɛbad d enseignant-chercheur ou enseignante-chercheuse (fr) |
| Imɛellmen |
École des hautes études en sciences sociales (fr) Collège de France (fr) université d'Alger (fr) |
| IMDb | nm11671754 |
Taseɛdit Yasin tlul-d s yisem n Taseɛdit Titouh. Deg 1985, tesbedd-d akk d Lmulud Mɛemri, tasɣunt n "Awal". Tasɣunt-a d alug n tezrawin (cahier d'études) ay d-yelhan d tmetti d tutlayt n Yimaziɣen.
Taseɛdit tesɛedda dduktura-yines deg tesdawit n Paris 3, deg 1992. Asentel d dduktura-yines tsemma-yas : "Productions culturelles et agents de production en Kabylie. Anthropologie de la culture dans les groupes kabyles du XVI° au XX° siècle" (Asfares adelsan d yimeggiyen n wesfares deg Tmurt n Leqbayel; tasnamdant n yedles n trebbaɛ tiqbayliyin ger leqrun wis XVI d wis XX).
Maca uqbel ma tesɛedda dduktura-yines, tella tebda la d-tessuffuɣ idlisen. Yiwen seg yedlisen-is, "Lounis Aït Menguellet chante", d Kateb Yacine s timmad-is ay as-d-yuran tazzwart, yernu d tazwart-agi ay d adris aneggaru akk ay d-yura Kateb, deg Ctember n 1989, aggur uqbel ma yemmut.
Ass-a, Taseɛdit la tqeddec d taselmadt deg Uɣerbaz n Tezrawin tiɛɛlayanin n tussniwin timettiyin (Ecole des hautes études en sciences sociales - EHESS deg Paris).
Wagi d umuɣ n yedlisen akk ay ssawḍeɣ ad ten-id-afeɣ yines :
1987 :
- Poésie berbère et identité : Qasi Udifella, héraut des At Sidi Braham (Tamedyazt tamaziɣt d tmagit : Qasi Udifella, ameddaḥ n Ayt Sidi Brahem). Tazzwart iga-yas-tt Mouloud Mammeri. Tiẓrigin n "Maison des sciences de l'homme" (Paris) ISBN 273510253X.
1988 :
- L'Izli ou l'amour chanté en Kabyle (Izli neɣ tayri yettwacnan s teqbaylit), tazzwart iga-yas-tt Pierre Bourdieu. Tiẓrigin n "Maison des sciences de l'homme" (Paris).
1989 :
- Lounis Aït Menguellet chante (Lewnis Ayt Mangellat la icennu), tiẓrigin n "La Découverte" (Paris)
Adlis-a yeffeɣ-d deg Ldzayer deg 1990, ɣer teẓrigin n Bouchène.
1993 :
- Les Voleurs de feu : éléments d'une anthropologie sociale et culturelle de l'Algérie (Imakaren n tmes : iferdisen n tesnemdant timettit d tdelsant deg Ldzayer). Tiẓrigin n La Découverte, Paris. Yeffeɣ-d deg 16/11/1993 ISBN 2707122890.
1995 :
- Cherif Kheddam ou l’amour de l’art (Ccrif Xeddam negh tayri n tẓuri).
Tiẓrigin "La Decouverte/Awal", Paris ISBN 2707124192.
- Piège ou le combat d'une femme algérienne : essai d'anthropologie de la souffrance (Tifexxet neɣ imenɣi n tmeṭṭut tazayrit : tarmit ɣef tesnamdant n lḥif). Tiẓrigin n Publisud Awal ISBN 2866007581.
2001 :
- Chacal ou la ruse des dominés (Uccen neɣ tiḥilet n wid yettwarnan). Tiẓrigin n La Découverte, Paris. Talkensit (collection) n tesnamdant ISBN 2707133957. Adlis-a yettussuqel-d ɣer teglizit : "The Jackal: The Root of Algerian Intellectuals' Cultural Crisis".
- Enracinement culturel et rôle des médiateurs du Maghreb : l'exemple de Rabah Belambri (Tuṭṭfa deg yiẓuran n yedles d ddur n yemlemmasen deg Tmazɣa : amedya n Rabah Belambri). Tiẓrigin n Harmattan, Paris (yeffeɣ-d deg 09/02/2001).