Urigami : Tameẓla gar ileqman

Urigami d taẓuri n useḍfes n lkaɣeḍ. Aseḍfes d abeṭṭen, nettini-as daɣen asnefḍes neɣ aḍebbeq. S cwiṭ n lkaɣeḍ nezmer ad d-nesnulfu tiɣawsiwin icebḥen aṭas. Mačči d yiwen n umedya i nezmer ad nawi. S useḍfes n lkaɣeḍ ad nesnulfu amdan n lkaɣeḍ, aɣersiw, tasafagt, imɣan… tiɣawsiwin akk yesɛan talɣa. Mi ara neḍfes kra, tekfa, taɣawsa-nni, akken tebɣu tili talɣa-as isem-is udemtamudemt. Deg wansayen n tẓuri s umata, ladɣa deg urigami aqbur ssexdamen agzam d usenṭeḍ. Ma d imir-a, deg urigami atrar, ulac deg-s agzam n lkaɣeḍ neɣ asemlili s usenteḍusenṭaḍ. Mi ara yili d tamudemt n urigami azegriran, ggten yeḥricen, yessefk fell-aɣ ad nsemlil sin (2), kraḍ (3) neɣ ugar n yizegriren, nessekcam imuren-nniiten wa deg wa.