Urigami : Tameẓla gar ileqman
Contenu supprimé Contenu ajouté
Ajerriḍ 71:
Tameẓla yellan ger urigami ansayan d utrar mmalen-ten-id kra tɣawsiwin. Amedya amezwaru d aslugen n tẓuri. Yiwen umenzay seg yimenzayen n uzadur n urigami atrar yettini-d : Timudmin akk ara d-yesnulfu umurigam yessefk ad ilint seg tferkit tamkuẓt. Ad tettwaḍfes tferkit war agzam neɣ asenṭeḍ n ukaɣeḍ s usenṭaḍ. Asnulfu n umeskan yessegrawel taẓuri. Acku asemres n umeskan yettalel amurigam akken ad yales i tmudemt akken tella mačči s ugacu. Yettḍafar umurigam n wassa ameskan ideg ara yaf akk isallen i yes-s ara yeḍfes tamudemt. Asnulfu n tmudmin timaynutin teldi tawwurt i useɣnew n tewsatin nniḍen amedya n wurigami aẓuran, urigami addayan, urigami n tusnakt… Assa, urigami yefrek d tiwsatin. Taẓuri, tura tesɛa ilugan ibanen, yettwasnen. Di tazwara d tiziknin tigraɣlanin kan i yessawḍen taẓuri n wurigami ad tt-issinen ugar n yemdanen. Tura rnan-d wallalen nniḍen amedya n Anternet, idlisen, tiliẓri akked yisalalen nniḍen, ssawḍen taẓuri ɣer qrib akk timura n umḍal.
=
Tallit taqburt
Da ɣur-neɣ nessen seg wacḥal aya d acu i d
Taswiɛt-a ulac inadiyen ara aɣ-d-yemmel amek teḍra, amek temhez tẓuri seg tallit-nni tandalusant ɣer tallit i deg d-tekcem Fransa ɣer tmurt n lezzayer. D tallit taberkant yeḥwaǧen tafat. Deg taggara n lqern wis XIX, asmi d-yewweḍ uɣerbaz agdudan ɣer tmurt n Lezzayer i d-yegla s tẓuri n wurigami. D tisutwin n yigurdan i yellan ḍefsen akaɣeḍ. Grant-d kra n tmudmin mazal cfan fell-asent medden amedya n uɣerrabu, tasafagt, aqerru n umcic…
Tallit tatrart
Seg tewwi tmurt-nneɣ azarug-is, tebda tẓuri n wurigami la d-tettefeɣ seg uɣerbaz cwiṭ cwiṭ armi truḥ tenger. Grant-d kra n tmudmin tiqburin d cfaya ɣur wid yeɣran yakan deg uɣerbaz afransis. Maca, ɣer taggara-a, s Anternet d unekcum n kra n yedlisen n tẓuri, s tutlayt tafransist, ɣer tnedlisin n tmurt-nneɣ nezmer ad nini tqelleɛ tleslalit n tẓuri n wurigami.
|