Clint Eastwood

Clint Eastwood [klɪnt istwʊd]N 1, ilulen assn 31 deg mayu 1930 deg San Francisco, d asegbar amarikani, d amsufeɣ isura, d ameẓẓawan, d amafras n ssinima. Yewwi rebεa n warrazen Oskar, snat tikwal s usaru ifazen, snat-iḍen i umsefeɣ ifazen. Yebda-tt-id s temlilin tisinanin uqbel ad yettwassen s umazrar ɣezzifen Rawhide n ustudyu Uneversal iɣer yekcem s tallelt n kra n yemdukal. Dɣa din i t-yeẓra Sergio Leone i t-yewwin ad yurar deg Tmakraḍt n UdulaR( Γef tkemmict idularen, Γef kra idularen-iḍen, Uḥdiq, abhim d uqeṭṭaε). Syin mi yettwassen, yeṭṭef aṭas n temlilin, ama ɣur Universal neɣ Warner Bros. Derg useggas n 1968 i yuɣal netta s yiman-is d amafras mi yeldi tkebbanit Malpaso ideg i d-yessufeɣ asarau-ines amenzu Afriwes n yiḍ deg useggas 1971. Ass yessaweḍ ɣer wugar n 35 isura i t-yerran d yiwen seg imsufaɣ yettuqadren ugar deg umaḍal.