Yudas

Yudas neɣ Yebdas d agellid amaziɣ yegled tagelda n Awras, d aqerru n yiserdasen yettwasnen yegled tagelda n Luras yerbeḥ amenkud abizanṭi acḥal d abrid

Yudas
Tameddurt
Talalit	lqern wis 5
Lmut	Awras,
Amahil
Amahil	chef de tribu (fr)

tudert

Yudas d mmi-s n gma-s n Mifanyas d aqerru n udrum ula d netta , yenɣa-t Yudas yegra-d mmi-s n ɛemmi-s n Masunas d agellid , Yudas si zik-is d aqerru n yiserdasen nnan-d fella-s izad di tfulki yefka-as Rebbi tazmert n tzemmurt

Di tazzwara n 535 yella ujiniral abizenṭi Sliman ( Solomon s umeslay-nszen ) yelha d umennuɣ d yimaziɣen n Bizasina yeffɣen i wawal-nsen , ddan d yiqerra : Kusina , Isdilasas , Midisinas d Yurfutis . Ifareṣ Yudas tagnit akken ad yennaɣ mgal yiserdasen n Sliman yuwi yid-s 30 000 n yirgazen akken ad kecmen tamnaḍt n Numidya ad awḍen armi d Tigisi ( Ɛin lburǧ tura di Lezzayer ) yuwi yid-s aṭas n yimeḥbas .

Di 534-535 yerbeḥ Sliman igrawliwen n Bizasina , ihi Yudas yuɣal d netta i d iswi-nsen amezzwaru . Yefka laman i wid ur nemmut ara di tegrawla agi iɛeddan , syin yebda amennuɣ d yiserdasen n Sliman yebdan keččmen deg Lewras

Yuẓ-d Sliman ɣer tgelda n Lewras , yuwi-d yid-s Masunas yebɣan ad d-yerr ttaṛ i baba-s d Urtayas yebɣan ad-d yerr ttar i yiman-is imi yeɛreḍ Yudas ad-as-yekkes tagelda s lemɛawna n ugellid nniḍen qqaren-as Mastiɣas , yenna-as i Yudas ad d-yeffeɣ i umennuɣ maca tuggdi tekcem s ulawen n yiserdasen-ines rewlen ɣef way-a teḥbes tuffɣa-agi , ikemmel amennuɣ uqbel 537 imi ffɣen yiserdasen i ufus-is di tefsut n 536

Yuɣal Yudas ɣer tegrawla di 537 mi yeddukel d Stutzas yiwen seg yimeqqranen yeffɣen i ufus n Sliman seg yiserdasen ibizenṭiyen , yeddukel d uɛdaw-ines aqdim Urtyas igelden iderman n umalu n Luras , maca yexser Stutzas di tgaluft n Skalas Bitiris ideg ur yettekki ara Yudas . Di 539 yuɣal-d Sliman i ubrid nniḍen s uɣawas amaynut yekcem ul n Luras yuwi idrimen d taklitin n Yudas , Yudas s yiman-is yejreḥ deg uḍar yxtar ad yettwanfu ɣer Muritanya i yegled umeddakel-is aqbur Mastiɣas

05 n yiseggasen ardekkal lexsara-agi tekker tegrawla n yiderman n Bizasina , iɛedda Sliman ad t-yeḥbes maca tella d tin iǧehden , xesren yiserdasen-is lexsara meqqren sdat wid n uqerru n yiderman Antalas , Sliman s yiman-is dinna i yemmut

Di taggara n 545 ifareṣ daɣen Yudas tagnit akken ad yennaɣ daɣen d umenkud abizenṭi yeddukel d Antalas d ugrawliw Laɣwatan yiwen n ugrawliw aẓar-ines n Yiwendaliyen qqaren-as Guntarik  , magal ujiniral amanut id-ceyyeɛ Bizenṭa " Jan Trujlita " . Yerra Yudas d Kusina akked Guntarik ɣer umennuɣ di Qerṭaj ma d agrawliw amaziɣ Antalas yerra ɣer Bizasina yezszi-as yettnaɣ d wid yellan deg-s . Rebḥen xas akken yemmut Guntarik d aserdas Artabanis abizenṭi seg uẓar n Arminya it-yenɣan s lexdeɛ . Cwiṭ umbeɛd uɣalen-d yibizenṭiyen ɣer temdint

Deg unebdu n 546 yexser Yudas sdat Jan Trujlita ur yezmir ara ad yerwel akken yexdem yakan ilaq ad yaɣ awal i wayen i as-qqaren di 548 yessexdem Jan iserdasen-is akken ad yerbeḥ wid n Abtalas d ugrawliw amaynut Karkasan . Di taggara n tudert-is yettwaxdeɛ Yudas nɣan-t yibizenṭiyen