Marko Polo

Marko Polo (s taṭalyanit : Marco Polo (asusru )), illul deg 1254 deg Vinisya, yemmut deg 8 yennayer 1324 deg Vinisya daɣen, d amzenzu, icaliyen ed amessikel avinisi^[1].

Tudert ed yisiklen

Tawacult n Polo

Seg zik, tawacult n Polo teznuzay akked Asamar alemmas, terna ccan ed tabaɣurt imeqqranen. Deg 1260, tawacult-nni ruḥen seg Istambul ɣer timenaḍin n umalu n Tamnekda n imunguliyen, anda i teznuzay ɣef isɣunen. Syin akkin, tawacult n Polo ruḥen ɣer Buxara, ssufɣen-d assaɣen n tmidwa akked amenkad Qublay Xan, ed tettuɣal-d inmahalen-is deg Turuft^[1].

Asikel ɣer Asya

Teɣlamt n Marko Polo tessakel ɣer Lhend.

Asikel n Marko Polo ɣer Asya.

Deg 1271, baba-s n Marko Nikkolò Polo ed ɛemmi-s Maffeo Polo d-uɣalen ɣer Tamnekda n imunguliyen, akked Marko Polo, yettεeddin ɣef Ɛakka, Yumurtalık, tamenaḍt n Xuṛasan (deg Iran n tura), Badaxcan (deg Afɣanistan n tura) ed timnaḍin nniḍen n Asya ِِ akken ad wwḍen ɣer Cangdu (tamanaɣt n imunguliyen) deg 1274-1275^[1].

Azal n 16 neɣ 16 n iseggasen, Marko Polo ed tawacult-is ttidiren deg tzedduɣin n umenkad n imunguliyen. S lameṛ n umenkad Qublay Xan, Marko i yellan yelha-d d aṭas n tuɣdaḍin ɣer timnaḍin ibeεden n Tamnekda n imunguliyen^[1].

Tuɣalin ɣer Vinisya

Deg 1290 neɣ 1292, tawacult n Polo ruḥen ɣer tamenaḍt tafarsit akked yiwet tageldunt n imunguliyen, syin akkin, i ruḥen ɣer Turuft, yettεeddin ɣef Istambul ed tagara Vinisya deg 1295^[1].

Deffir tuɣalin-is ar Vinisya, Marko Polo ad yuɣal d ameḥbus n iǧenwiyen deg Ǧenova, deg lḥebs-nni Marko ittemlili-d ameḥbus n Pisa qqaren-as Rustichello d aneggal mucaɛen, Marko yebda yettaru ɣef 25 iseggasen-is deg Asya (adlis-nni qqaren-as s taṭalyanit : Il milione). Syin akkin, Marko yeffeɣ-d seg lḥebs ed yettuɣal ɣer Vinisya, anda yemmut ɣer 70 n yiseggasen^[1].

Ayen yura

Il milione

Tawṛiqt n Il milione, adlis n Marko Polo.

Il milione d isem n ullis n usikel n Marko Polo, qqaren-as adlis n leεǧubat n umaḍal^[2] neɣ Weglam n umaḍal, Marko yura-t s tafranko-ṭalyanit d tutlayt tatrart i myussan deg leqrun 13 ed 14^[1].

Arusfus

Llan aṭas n teḍrisin n irusfusen ed tisuqilin n Il milione deg-s :


Azwel / Taḍrist	Tutlayt	Aseggas
Livre qui est appelé le Divisiment dou monde	tafranko-ṭalyanit	1301-1400
Devisement du monde	tafrensist	1345-1400
Les voyages de Marco Polo de Venise	tafrensist	1350
Il Milione	taṭalyanit	1370-1410
Livre des merveilles	tafrensist	1400-1420
Le livre de MARCO POLO ou des merveilles du monde		1401-1500
Le livre des voyages de Marco Polo, traduit par Robert Frescher		1475-1525
رحلات ماركو بولو - الجزء الأول ,d رحلات ماركو بولو - الجزء الثاني	taɛrabt	1996

Muqqel daɣen

Ibn Baṭṭuṭa

Tizmilin

↑ ^1,0 ^1,1 ^1,2 ^1,3 ^1,4 ^1,5 et ^1,6 (en) Marco Polo, deg britannica.com.
↑ Livre des merveilles du monde, deg larousse.fr.

[:0-1] 1,0 ^1,1 ^1,2 ^1,3 ^1,4 ^1,5 et ^1,6 (en) Marco Polo, deg britannica.com.

[2] Livre des merveilles du monde, deg larousse.fr.

[1]

[2]